پلوامہ: یوم آزادی کے موقع پر ملک بھر میں ’ہر گھر ترنگا‘ مہم چلائی جارہی ہے۔ جموں و کشمیر کے پلوامہ میں بھی اس سلسلہ میں بی جے پی کی جانب س ترنگا ریلی نکالی گئی۔ ترنگا ریلی کی صدارت بی جے پی حلقہ پلوامہ کے صدر راج محمد وانی نے کی۔ اس کا آغاز ضلع کے لاجورہ گاؤں سے ہوا اور ضلع پلوامہ کے ترال علاقے میں اختتام پذیر ہوا۔ بی جے پی ضلع صدر پلوامہ لطیف احمد بھٹ، حلقہ صدر پلوامہ راج محمد وانی، صہیب ایوب صدر اقلیتی مورچہ اور بی جے پی یونٹ پلوامہ کے دیگر سینئر ممبران اور مقامی لوگوں نے ترنگا یاترا میں شرکت کی۔
ترنگا یاترا کے دوران مادر وطن کے لیے اپنی جانوں کا نذرانہ پیش کرنے والے شہداء اور مجاہدین آزادی کو زبردست خراج پیش کیا گیا۔ بی جے پی کے ضلع صدر پلوامہ لطیف احمد بھٹ نے کہا کہ وادی میں ترنگا یاترا ان لوگوں پر ایک بڑا طمانچہ ہے جو کہہ رہے تھے کہ وادی میں ترنگا نہیں لہرایا جائے گا۔ انہوں نے مزید کہا کہ بی جے پی آنے والے اسمبلی انتخابات کے لئے پوری طرح تیار ہے اور بڑے فرق سے کامیابی حاصل کرے گی۔
یہ بھی پڑھیں: گاڑی پر ہر کوئی نہیں لگا سکتا قومی جھنڈا، غلطی کی تو ہوگی جیل، جانیے کیا ہے قانون؟ - independence day 2024
بی جے پی حلقہ پلوامہ کے صدر راج محمد نے کہا کہ وہ ہر گھر ترنگا کی مہم کو کامیاب بنانے کے لیے کام کر رہے ہیں اور عنقریب وادی میں ہر کوئی اپنے گھروں پر ترنگا لہرائیں گے۔
