سری نگر: جموں و کشمیر اسمبلی انتخابات کے پہلے مرحلے کے لیے کاغذات نامزدگی داخل کرنے کی آخری آج بتاریخ 27 اگست ہے۔ کالعدم جماعت اسلامی (جے آئی) جنوبی کشمیر کے حلقوں میں کم از کم تین سابق اراکین کو آزاد امیدوار کے طور پر میدان میں اتارے گی۔
ابتدائی طور پر، گروپ کا مقصد 18 ستمبر کو ہونے والے انتخابات کے لیے سات آزاد امیدواروں کو نامزد کرنا تھا۔ تاہم تین امیدوار آخری لمحات میں دستبردار ہو گئے، جس سے جماعت اسلامی کی جانب سے تین تصدیق شدہ امیدواروں کا اعلان کیا گیا ہے اور چوتھے کے ساتھ بات چیت جاری ہے۔
جے آئی کے ذرائع کے مطابق ڈاکٹر طلعت مجید کو پلوامہ میں الیکشن لڑنے کے لیے منتخب کیا گیا ہے۔ پلوامہ سے جماعت کے سابق رکن مجید کو مقامی سماجی حلقوں میں معزز نظروں سے دیکھا جاتا ہے۔ انہوں نے 2023 میں الطاف بخاری کی اپنی پارٹی میں شامل ہو کر سرخیاں بٹوری تھیں۔
جماعت سے وابستہ فلاح عام ٹرسٹ (FAT) کے اسسٹنٹ ڈائریکٹر سیار احمد ریشی کولگام کے لئے منتخب کیا گیا ہے۔ ریشی جنہوں نے حالیہ لوک سبھا انتخابات میں حصہ لیا تھا، اس سے قبل جماعت کے دہشت گردی کی فنڈنگ کیس کے سلسلے میں نیشنل انویسٹی گیشن ایجنسی (این آئی اے) نے ان کے گھر پر چھاپہ مارا تھا، وہ دیوسر میں جماعت اسلامی کے آزاد امیدوار کے طور پر ایک غیر معروف شخصیت محمد صدیق کی حمایت کریں گے۔
جے آئی کے اندرونی ذرائع کا کہنا ہے کہ شوپیاں کی زین پورہ سیٹ کے لیے چوتھے امیدوار کے ساتھ بات چیت جاری ہے۔ ہم بات چیت کر رہے ہیں۔ اگر وہ راضی ہوتے ہیں تو ہم انہیں میدان میں اتاریں گے۔ اگر نہیں تو ہم کسی اور آزاد امیدوار کا انتخاب کر سکتے ہیں۔
جماعت اسلامی ابتدائی طور پر اس مرحلے میں جنوبی کشمیر سے سات امیدواروں کو میدان میں اتارنے کا ارادہ رکھتی تھی لیکن اسے اندرونی اختلافات کا سامنا کرنا پڑا، جس میں بجبہاڑہ، شوپیاں اور اننت ناگ سے تین امیدوار پیچھے ہٹ گئے۔
جموں و کشمیر میں تقریباً 20,000 وقف کیڈر ہونے کے باوجود امیدواروں کو کھڑا کرنے کے لیے تنظیم کی جدوجہد ان چیلنجز کی نشاندہی کرتی ہے جن کا اسے سامنا ہے۔
جولائی میں، سید الطاف بخاری اور مرکزی حکومت کے ساتھ کئی دور کی بات چیت کے بعد جے آئی کشمیر نے اسمبلی انتخابات لڑنے کے اپنے ارادے کا اشارہ دیا۔ گروپ نے 2019 میں غیر قانونی سرگرمیاں (روک تھام) ایکٹ کے تحت اس پر لگائی گئی پابندی کو ہٹانے کی امید کی تھی۔ حکومت نے بدلے میں جے ای آئی کشمیر کے اراکین کو لوک سبھا کے انتخابات میں حصہ لینے کی پیش کش کی تھی۔
جماعت اسلامی نے مشاورتی کونسل کی جانب سے حکومت سے مذاکرات کے لیے آٹھ رکنی پینل تشکیل دیا ہے، جس کی توثیق سابق امیر ڈاکٹر حمید فیاض اور فہیم رمضان سمیت سینئر رہنماؤں نے کی۔ اس گروپ کا مقصد پوری وادی میں 10-12 آزاد امیدواروں کو تین مرحلوں کے اسمبلی انتخابات میں کھڑا کرنا ہے۔
