ترال:جموں و کشمیر کے صوفی گنڈ ترال میں بلند پایہ ولی کامل حضرت شیخ باقرؒ کا سالانہ عرس عقیدت و احترام کے ساتھ منایا گیا۔ اس دوران عالمی امن کے لیے خصوصی دعائیں مانگی گئیں۔ تفصیلات کے مطابق عرس شیخ باقر رح کے سلسلے میں ان کے آستاں عالیہ واقع صوفی گنڈ میں رات بھر شب خوانی کی گئی، جس میں ترال علاقے کے ساتھ ساتھ دور دراز علاقوں سے آئے ہوئے عقیدت مندوں نے شرکت کی۔
اس سالانہ عرس مبارکب کے موقع پر درود ازکار اور نعت خوانی کی مجالس منعقد کی گئی۔ اس موقع پر علمائے کرام نے وادی کشمیر میں اولیائے کرام کے پاکیزہ اور متبرک سوانح حیات پر روشنی ڈالتے ہوئے امت مسلمہ پر زور دیا کہ وہ اولیاء کرام کے نقش و قدم پر چلیں۔ اسی میں کامیابی کا راز مضمر ہے۔
مولانا انجینر عمر عطاری نے دوران شب شیخ باقر صاحب علہ رحمہ کے مناقب بیان کرتے ہوئے کہا کہ اس بلند پایہ ولی نے اس دور میں کفر شرک کی ظلمت کو دور کرنے کے لیے نہ صرف تبلیغ کی بلکہ شریعت محمدی صلی الله عليه وسلم کی ترویج کے لیے اقدامات اٹھائے اسلیے ہمیں ان اولیاے کرام کے نقش وقدم پر چلنا چاہیے
یہ بھی پڑھیں:Urs in Tral ترال میں حضرت شیخ باقرؒ کا سالانہ عرس منایا گیا
مقامی باشندوں نے انتطامیہ کی جانب سے کیے جارہے انتطامات کو احسن قرار دیا تاہم مانگ کی کہ عرس کے دوران ٹرانسپورٹ کی سروس رکھی جاے تاکہ عقیدت مندوں کو مشکلات کا سامنا نہ کرنا پڑے
