ترال: مرکز کے زیر انتظام یوٹی جموں و کشمیر کے ضلع پلوامہ کے ترال میں واقع حضرت شاہ ہمدان رح کا سالانہ عرس کا اہتمام کیا گیا۔وادی کے دیگر علاقوں کی طرح ترال میں بھی عرس حضرت شاہ ہمدان رح عقیدت واحترام کے ساتھ منایا جا رہا ہے۔اس کے لیے انتظامیہ نے معقول انتظامات کیے ہیں۔ آج رات بھر خانقاہ میں شب خوانی ہوگی۔اس دوران وادی کے ممتاز علماء سیرت حضرت شاہ ہمدان رح پر روشنی ڈالیں گے۔
اس حوالے سے آج بعد نماز مغرب کے بعد تحریک صوت اولیاء کے امیر اعلی مولانا عبدالرشید داوودی خطاب فرمائیں گے جبکہ عشاء کی نماز کے بعد را ت بھر روح پر مجالس کا اہتمام جاری رکھا جائے گا۔ اس دوران مقامی اوقاف نے دور دراز کے لوگوں کے لیے مفت لنگر کا بھی اہتمام کیا ہے جبکہ پولیس نے ترال قصبے کو جانے والی سڑکوں کے حوالے سے پہلے ہی روڈ میپ مرتب کیا ہے۔
یہ بھی پڑھیں:کنگن میں میاں نظام الدین کانوی کے 127 ویں عرس کا اہتمام
ای ٹی وی بھارت کے ساتھ بات کرتے ہوئے خانقاہ فیض پناہ ترال کے امام حافظ عرفان احمد ثقافی نے بتایا کہ کل تین مرتبہ تبرکات کی نشاندہی کرائی جائے گی۔اس دوران ہندوستان کے ساتھ دنیا میں امن و امان اور خوشحالی کے لیے خصوصی دعاوں کا اہتمام کیا جائے گا۔
