جموں: مرکز کے زیر انتظام یوٹی جموں و کشمیر کے جموں سمیت مختلف اضلاع میں شدید گرمی کے باعث لوگوں کا برا حال ہے۔یہاں درجہ حرارت 30 ڈگری سے اوپر چلا گیا۔جموں ڈویژن میں منگل کو مسلسل چھٹے دن دن کا زیادہ سے زیادہ درجہ حرارت 41 ڈگری سیلسیس سے زائد ریکارڈ کیا گیا۔
کشمیر کے کئی اضلاع میں درجہ حرارت 30 ڈگری سے اوپر ہے۔ محکمہ موسمیات نے جموں ڈویژن میں 22 اور 23 مئی کو گرمی کی لہر کا زرد الرٹ جاری کیا ہے۔ 28 مئی تک گرمی سے راحت ملنے کا کوئی امکان نہیں۔
جموں میں مسلسل دن کے وقت درجہ حرارت 41 ڈگری سے اوپر رہنے کی وجہ سے عام زندگی متاثر ہوئی ہے۔ گرمی اپنی شدت پر ہے۔ لوگوں کا صبح 10 بجے کے بعد گھروں سے نکلنا مشکل ہو رہا ہے۔ صبح کے اوقات میں گرم ہواوں کی لہر کی وجہ سے زیادہ تر سڑکیں اور بازار میں لوگوں کو بہت کم دیکھا جا رہا ہے۔
گرمی کے پیش نظر حکومت نے ڈیژن میں اسکولوں کے اوقات میں تبدیلی کر دی ہے۔طلبا و طالبات کو احتیاط برتنے کی ہدایت دی گئی ہے۔عام لوگوں کو بھی انتظامیہ کی جانب سے جاری ہدایت پر عمل کرنے کا مشورہ دیا گیا ہے۔
زیادہ سے زیادہ درجہ حرارت کہاں ہے
جموں 41.0
بانہال 30.4
بٹوٹ 30.9
کٹرا 37.3
بھدرواہ 32.6
سری نگر 30.0
پہلگام 26.2
گلمرگ 19.8
یہ بھی پڑھیں:سات دنوں تک دہلی میں آسمان سے برسے گی آگ، پارہ 48 کے قریب، جانیں آئی ایم ڈی کا نیا الرٹ کیا ہے - DELHI WEATHER
شدید گرمی کے پیش نظر محکمہ موسمیات اور محکمہ صحت نے کی جانب سے ایڈوائزری جاری کر دی ہے۔ اس میں بچوں اور خاص طور پر بزرگوں سے کہا گیا ہے کہ وہ دھوپ میں گھر سے باہر جانے سے گریز کریں۔ یہ بھی مشورہ دیا گیا ہے کہ جہاں تک ممکن ہو ہلکے رنگ کے اور سوتی کپڑے پہنیں۔ سر کو دھوپ سے بچانے کے لیے تولیہ، ٹوپی اور چھتری کا استعمال کریں۔
