سرینگر (جموں کشمیر): جموں و کشمیر کی سابق وزیر اعلیٰ اور پیپلز ڈیموکریٹک پارٹی (پی ڈی پی) کی سربراہ محبوبہ مفتی کی مشیر اور دختر التجا مفتی نے پیر کے روز مرکزی حکومت پر تنقید کرتے ہوئے دعویٰ کیا کہ انہیں اور ان کے خاندان کو دفعہ 370 کی منسوخی کی پانچویں برسی پر ’’غیر قانونی طور نظر بند‘‘ رکھا گیا ہے۔
سماجی رابطہ گاہ ایکس پر التجا نے حکومت کی جانب سے کشمیر میں امن و امان کے دعووں پر سوال اٹھاتے ہوئے کہا کہ ’’اگر کشمیر اتنا ہی نارمل ہے جتنا حکومت ہند دعویٰ کر رہی ہے، تو جموں و کشمیر انتظامیہ ہمیں ہر سال 5 اگست کو غیر قانونی طور پر نظر بند کیوں کرتی ہے؟‘‘ التجا نے جموں و کشمیر پولیس کی بھی مذمت کرتے ہوئے لکھا: ’’یہ غرور کی انتہا ہے کہ ایس ایچ او نوگام نے ہمیں ہمارے ہی اپنے گھر کے اندر ہمیں نظر بند کر دیا ہے اور (مرکزی دروازے) کی چابیاں اپنے ساتھ لے گئے۔ (یہ) پولیس والے ہیں یا نئے دور کے جیلر؟ آپ فیصلہ کریں۔‘‘
If Kashmir is as normal as GOI claims it to be why does @JmuKmrPolice place us under illegal house arrest on 5th August every year ? The arrogance is such that SHO Nowgam has locked us up inside our own house & taken the keys away. Cops or new age jailers? You decide. pic.twitter.com/2GAAMZ8L0i
— Iltija Mufti (@IltijaMufti_) August 5, 2024
ادھر، ان کی والدہ اور محبوبہ مفتی نے ابھی تک صورتحال پر کوئی بھی تبصرہ نہیں کیا ہے اور پولیس نے بھی کوئی بیان جاری نہیں کیا ہے، التجا مفتی نے اپنی سوشل میڈیا پوسٹ کے ساتھ اپنی نوگام رہائش گاہ کی تصاویر بھی شیئر کیں۔
قبل ازیں، نیشنل کانفرنس (این سی) کے رہنما تنویر صادق نے بھی دعوی کیا کہ انہیں آرٹیکل 370 کی منسوخی کی پانچویں برسی کے موقع پر گھر میں نظر بند کر دیا گیا تھا۔ ایکس پر ایک پوسٹ میں تنویر صادق نے کہا کہ انہیں بغیر کسی وجہ کے گھر میں حراست میں رکھا گیا تھا۔ ’’مجھے کسی کام کے لیے نکلنا تھا، لیکن میرے دروازے کے باہر پولیس والوں نے مجھے ایسا کرنے سے روک دیا۔ یہ غیر ضروری اور غیر قانونی ہے۔‘‘ واضح رہے کہ ان دعوؤں اور الزامات پر تاحال انتظامیہ کی جانب سے کوئی رد عمل سامنے نہیں آیا ہے۔
یہ بھی پڑھیں: کوئی منتخب اسمبلی نہیں! آرٹیکل 370 کی منسوخی کی پانچویں برسی پر سجاد لون کا رد عمل
