تل ابیب: اسرائیل نے جمعرات کو کہا کہ اس نے حماس کے رہنما یحییٰ سنوار کو غزہ میں ایک فوجی آپریش میں ہلاک کر دیا ہے۔ اسرائیل کا دعویٰ ہے کہ سنوار 7 اکتوبر کو اسرائیل پر حملے کے ماسٹر مائنڈ تھے۔ ان کی لاش غزہ میں ملبے سے ملی تھی، جہاں رفح میں حملے کے دوران اسرائیلی فورسز نادانستہ طور پر ان کے قریب آگئی تھیں۔ بعد میں ڈی این اے ٹیسٹنگ، دانتوں کے ریکارڈ اور فنگر پرنٹس کے ذریعے سنوار کی شناخت کی تصدیق ہوئی۔
Raw footage of Yahya Sinwar’s last moments: pic.twitter.com/GJGDlu7bie
— LTC Nadav Shoshani (@LTC_Shoshani) October 17, 2024
اسرائیلی فوجی حکام کے مطابق سنوار کی باقیات مبینہ طور پر ایک بلٹ پروف جیکٹ، ایک دستی بم اور 40,000 شیکل کے ساتھ ملی ہیں۔ اسرائیلی فوج کی طرف سے جاری کردہ فوٹیج میں سنوار کے آخری لمحات دکھائے گئے ہیں، جنہیں علاقے کا سروے کرنے کے لیے تعینات ایک ڈرون نے قید کر لیا تھا۔ فوٹیج میں حماس کے رہنما کو دکھایا گیا ہے، جو بظاہر زخمی تھے، ڈرون پر لکڑی کا ٹکڑا پھینکنے کی کوشش کر رہے تھے تاکہ وہ پکڑے نہ جائیں۔ کچھ ہی لمحوں بعد، عمارت پر ایک اور حملے کے نتیجے میں عمارت گر گئی، جس میں سنوار اور دو دیگر عسکریت پسند مارے گئے۔
سنوار اسرائیل کے انتہائی مطلوب افراد کی فہرست میں شامل تھے۔ ایران کے دارالحکومت تہران میں حماس کے سربراہ اسماعیل ہنیہ کے قتل کے بعد یحییٰ سنوار کو حماس کی کمان سونپی گئی تھی۔ سنوار گزشتہ کئی برسوں سے عوامی زندگی سے غائب تھے۔
یہ بھی پڑھیں:
