واشنگٹن: امریکہ نے ترکیہ کو ایف-16 جنگی طیارہ فروخت کرنے کی منظوری دے دی ہے۔ ترک پارلیمنٹ کی جانب سے رواں ہفتے سویڈن کی نارتھ اٹلانٹک ٹریٹی آرگنائزیشن (نیٹو) کی رکنیت کی منظوری کے بعد امریکہ نے یہ اعلان کیا ہے۔
امریکی محکمہ خارجہ نے جمعہ کے روز کانگریس کو نیٹو اتحادی ترکیہ کو جنگی طیارے فروخت کرنے کے 23 بلین ڈالر اور یونان کو 8.6 بلین ڈالر کے جدید ایف-35 لڑاکا طیارے فروخت کرنے کے معاہدے سے آگاہ کیا۔
الجزیرہ کی خبروں کے مطابق یہ معاہدہ اس وقت ہوا جب ترکیہ نے سویڈن کو نیٹو میں شمولیت کے لیے اپنا "منظوری کا خط" پیش کیا اور کانگریس کے کئی سرکردہ اراکین نے اپنے اعتراضات اٹھائے۔
ترکیہ نے اکتوبر 2021 میں ایف-16 طیاروں کی درخواست کی تھی، لیکن سویڈن کی نیٹو بولی کو منظور کرنے میں انقرہ کی تاخیر نے کانگریس کی منظوری میں رکاوٹ ڈالی تھی۔
ایک رپورٹ کے مطابق 20 ماہ کے بعد ترک پارلیمنٹ نے سویڈن کی بولی کی منظوری دے دی اور امریکی صدر جو بائیڈن نے کانگریس پر زور دیا کہ وہ "بغیر کسی تاخیر کے" ایف-16 کی فروخت کی منظوری دے۔
ڈیموکریٹک رکن بین کارڈن نے کہا کہ " ایف-16 طیاروں کی خریداری کی ترکیہ کی درخواست کی میری منظوری ترکیہ کی طرف سے سویڈن کی نیٹو کی رکنیت کی منظوری پر منحصر ہے۔ لیکن کوئی غلطی نہ کریں۔ یہ کوئی ایسا فیصلہ نہیں تھا جس پر میں آسانی سے راضی ہوا۔ تعلقات کمیٹی ان چار اہم کمیٹیوں میں سے ایک ہے جو اسلحہ کی منتقلی کی منظوری کے لیے ضروری ہے۔ (یو این آئی)
