ماسکو: وزیراعظم نریندرمودی روس کے اپنے دو روزہ دورے پر یہاں پہنچ گئے۔ دارالحکومت ماسکو پہنچنے پر وزیراعظم نریندر مودی کو گارڈ آف آنر دیا گیا۔ قابل ذکر ہے کہ روس یوکرین جنگ شروع ہونے کے بعد پی ایم مودی کا روس کا یہ پہلا دورہ ہے۔
#WATCH | Prime Minister Narendra Modi receives Guard of Honour on his arrival in Moscow, Russia
— ANI (@ANI) July 8, 2024
PM Modi is on a two-day official visit to Russia. He will hold the 22nd India-Russia Annual Summit with President Putin. pic.twitter.com/G4GDS3va5s
وزیراعظم نریندر مودی روسی صدر ولادیمیر پوتن کے ساتھ روس کی دارالحکومت ماسکو میں 22ویں بھارت-روس سالانہ چوٹی کانفرنس میں شرکت کریں گے۔ کل یعنی 9 جولائی کو وزیر اعظم مودی آسٹریا کا دورہ کریں گے، وہ جمہوریہ آسٹریا کے صدر جناب الیگزینڈر وان ڈیر بیلن سے ملاقات کریں گے اور آسٹریا کے چانسلر جناب کارل نہمر سے بات چیت کریں گے۔
اس دورے سے دونوں ممالک کے تعلقات مذید مستحکم ہوں گے:
اس دورے کا مقصد دونوں ممالک کے درمیان باہمی تعلقات کو مذید تقویت دینے کے علاوہ بھارت اور آسٹریا کے کاروبار میں اضافہ کرنا ہے جس کے لئے وزیر اعظم مودی وہاں کے کاروباری رہنماؤں سے ملاقات کریں گے۔
#WATCH | PM Modi leaves for Russia, Austria visit, to meet President Vladimir Putin today
— ANI (@ANI) July 8, 2024
(Source: PMO) pic.twitter.com/q4B3yJOI3c
وزیر اعظم نریندر مودی کا دورہ ماسکو، روس سے شروع ہوگا جہاں انہیں روسی صدر ولادیمیر پوتن نے 22ویں بھارت-روس سالانہ چوٹی کانفرنس میں شرکت کے لئے مدعو کیا ہے۔ روس میں اپنا ایک روزہ دورہ مکمل کرنے کے بعد وزیر اعظم مودی 9-10 جولائی کو آسٹریا جائیں گے۔
مودی کے لئے آسٹریا کا یہ تاریخی دورہ ہوگا:
مودی کا آسٹریا کا دورہ ایک تاریخی دورہ ہوگا کیونکہ 41 سال کے طویل عرصے کے بعد پہلی بار کوئی بھارتی وزیر اعظم آسٹریا کا دورہ کرے گا۔
وزیر خارجہ ایس جے شنکر نے اے این آئی سے بات کرتے ہوئے کہا کہ یہ دورہ بہت ہی اہم دورہ ہے جہاں وزیر اعظم مودی اور روسی صدر پوتن دونوں ممالک کے تعلقات پر تبادلہ خیال کریں گے اور میں سمجھتا ہوں کہ اس سے اچھا موقع شاید ہی پھر ملے۔
ایس جے شنکر نے کہا کہ ہمارے سالانہ سربراہی اجلاس میں تھوڑی تاخیر ہوئی مگر یہ ایک اچھی روایت ہے، ہم دو ممالک ہیں جن کی ایک ساتھ کام کرنے کی مضبوط تاریخ رہی ہے۔ ہم نے سالانہ سربراہی اجلاس کی ضرورت کو ہمیشہ اہمیت دی ہے۔ انہوں نے کہا کہ ہمیں امید ہے کہ وزیر اعظم کے اس دورے سے مختلف شعبوں میں مذید بہتری آئیگی۔ روس میں بھارتی سفیر ونے کمار نے بھی کہا کہ یہ دورہ بہت اہم ہے۔
یہ بھی پڑھیں:
