نیامی: نائجیریا کی حکومت نے امریکہ کے ساتھ اس فوجی معاہدہ کو ختم کرنے کا فیصلہ کیا ہے۔ جو معاہدہ امریکی فوجیوں کو افریقی ملک کی سرزمین پر رہنے کی اجازت دیتا ہے۔ یہ اطلاع اتوار کو نائجیریا کی فوجی عبوری حکومت کے ترجمان عمادو عبدرمانے کے حوالے سے دی گئی۔
مقامی ٹیلی ویژن پر بات کرتے ہوئے، عبدرمانے نے کہا کہ امریکی وفد نے سفارتی پروٹوکول پر عمل نہیں کیا، اور یہ کہ نائیجر کو وفد کی تشکیل، اس کی آمد کی تاریخ یا ایجنڈے کے بارے میں مطلع تک نہیں کیا گیا۔
الجزیرہ نے رپورٹ کیا ہے کہ کانگریس (یو ایس پارلیمنٹ) کو وائٹ ہاؤس کی رپورٹ کے مطابق، دسمبر میں نائیجر میں امریکی فوج کے تقریباً 650 اہلکار کام کر رہے تھے۔
امریکی فوج نائیجر کے شہر اگادیز میں ایک بڑا ایئربیس چلاتی ہے، جو دارالحکومت نیامی سے تقریباً 920 کلومیٹر (572 میل) دور ہے، اسے انسانوں اور بغیر پائلٹ کے نگرانی کی پروازوں اور دیگر کارروائیوں کے لیے استعمال کرتی ہے۔
قابل ذکر ہے کہ 26 جولائی 2023 کو نائیجیریا میں بغاوت ہوئی تھی۔ صدر محمد بازوم کو جنرل عبدالرحمٰن چھیانی کی قیادت میں ان کے ہی گارڈ نے معزول کرکے حراست میں لے لیا۔
بغاوت کے بعد، مغربی افریقی ریاستوں کی اقتصادی برادری (ای سی اوڈبلیو اے ایس) نے نائجر کے ساتھ تمام تعاون معطل کر دیا اور باغیوں کے ذریعہ بازوم کو بحال نہ کرنے پر حملہ کی دھمکی بھی دی۔
