اقوام متحدہ: صنفی مساوات کو فروغ دینے والی اقوام متحدہ کی ایجنسی نے جمعہ کو کہا کہ اسرائیل اور حماس کی جنگ میں خواتین اور بچے سب سے زیادہ متاثر ہوئے ہیں۔ اقوام متحدہ کے مطابق 7 اکتوبر 2023 سے غزہ پر جاری اسرائیلی جارحیت میں اب تک تقریباً 16,000 خواتین اور بچے ہلاک ہوئے ہیں۔ اقوام متحدہ کے مطابق ایک اندازے کے مطابق ہر گھنٹے میں دو مائیں ہلاک ہو رہی ہیں۔
اقوام متحدہ خواتین کے مطابق 100 سے زائد دنوں سے جاری اسرائیلی حملوں کے نتیجے میں کم از کم 3,000 خواتین بیوہ ہو چکی ہیں اور کم از کم 10,000 بچے یتیم ہو گئے ہیں۔
جمعہ کو جاری ہونے والی ایک رپورٹ میں ایجنسی نے صنفی عدم مساوات اور جنگ سے بچنے کے لیے اپنے بچوں کو ساتھ لے کر نقل مکانی کرنے والی بے گھر خواتین کی پریشانیوں کی طرف اشارہ کیا ہے۔ اقوام متحدہ کی ایجنسی کے مطابق غزہ کی 2.3 ملین آبادی میں سے 1.9 ملین بے گھر ہو چکے ہیں اور "ایک ملین کے قریب خواتین اور لڑکیاں محفوظ پناہ اور مناسب سکیورٹی کی تلاش میں ہیں۔
اقوام متحدہ کی خواتین کی ایگزیکٹو ڈائریکٹر سیما باہوس کا کہنا ہے کہ یہ گزشتہ 15 سال کے دوران یہ سب سے خطرناک جنگ ہے۔ انہوں نے اقوام متحدہ کے سیکرٹری جنرل انتونیو گوٹیرس کے انسانی بنیادوں پر جنگ بندی اور 7 اکتوبر کو اسرائیل میں یرغمال بنائے گئے تمام یرغمالیوں کی فوری رہائی کے مطالبات کو دہرایا۔
باہوس نے رپورٹ کے ساتھ ایک بیان میں کہا کہ، "ہم آج غزہ کی خواتین اور لڑکیوں کی صورت حال پر سوگ منا رہے ہیں، لیکن مستقبل میں غزہ میں غیر محدود انسانی امداد اور تباہی اور قتل عام کا سوگ منائیں گے۔" انہوں نے کہا، "یہ خواتین اور لڑکیاں سکیورٹی، ادویات، صحت اور پناہ گاہ سے محروم ہیں۔ انہیں بھوک اور قحط کا سامنا ہے۔انھوں نے مزید کہا کہ، غزہ کی خواتین اور لڑکیاں سب سے زیادہ امید اور انصاف سے محروم ہیں،"
یہ بھی پڑھیں:سات اکتوبر سے اب تک غزہ میں اسقاط حمل میں 300 فیصد اضافہ
حماس کے زیرانتظام غزہ میں وزارت صحت کا کہنا ہے کہ سات اکتوبر سے جاری جنگ میں تقریباً 25,000 فلسطینی ہلاک ہو چکے ہیں جن میں سے 70 فیصد خواتین اور بچے ہیں۔ اقوام متحدہ کا کہنا ہے کہ غزہ میں ڈیڑھ ملین افراد یعنی آبادی کا ایک چوتھائی بھوک سے مر رہے ہیں۔
باہوس نے کہا کہ اقوام متحدہ کی خواتین نے حماس کی طرف سے "حملوں کے دوران غیر ذمہ دارانہ جنسی تشدد کے چونکا دینے والے واقعات" سنے ہیں۔ انھوں نے اقوام متحدہ کی طرف سے ان تمام متاثرین کے لیے جوابدہی، انصاف اور مدد کے مطالبات کی بات کہی۔
ایجنسی نے کہا کہ غزہ میں ابتر حالات کے باوجود خواتین کی زیر قیادت اور حقوق نسواں کی تنظیمیں کام جاری رکھے ہوئے ہیں۔ انھوں نے پایا کہ غزہ کی پٹی میں سروے کی گئی خواتین کی 83 فیصد تنظیمیں کم از کم جزوی طور پر کام کر رہی ہیں اور بنیادی طور پر جنگ کے ہنگامی ردعمل پر توجہ مرکوز کر رہی ہیں۔ یو این وومن ایجنسی نے کہا کہ غزہ کے لیے گزشتہ سال کی اپیل سے ملنے والی فنڈنگ کا صرف 0.09 فیصد فنڈز براہ راست قومی یا مقامی خواتین کے حقوق کی تنظیموں تک پہنچا ہے۔ باہوس نے کہا کہ غزہ تک خاص طور پر خواتین اور بچوں اور جنگ کے خاتمے کے لیے مزید امداد کی ضرورت ہے۔
