ممبئی: اداکار گووندا جمعرات کو مہاراشٹر کے وزیر اعلی ایکناتھ شندے، راجیہ سبھا کے ممبر پارلیمنٹ ملند دیورا اور شیو سینا کے سینئر لیڈر نیلم گورہے کی موجودگی میں شیو سینا میں شامل ہو گئے۔
اس موقع پر بات کرتے ہوئے گووندا، جنہوں نے 1980 کی دہائی میں اپنے اداکاری کیرئیر کا آغاز کیا، کہا کہ 2004 سے 2009 تک سیاست میں اپنے پہلے دور کے بعد، انہیں کبھی نہیں لگا کہ وہ دوبارہ اسی میدان میں واپس آئیں گے۔
انہوں نے کہا کہ میں 14 سال کے طویل ونواس کے بعد سیاست میں واپس آیا ہوں۔ گووندا نے کہا کہ اگر موقع ملا تو وہ فن اور ثقافت کے شعبے میں کام کریں گے۔ انہوں نے کہا کہ جب سے شندے وزیر اعلیٰ بنے ہیں ممبئی زیادہ خوبصورت اور ترقی یافتہ نظر آتا ہے۔
گووندا نے 'کولی نمبر 1'، 'آنٹی نمبر 1'، 'شعلہ اور شبمن'، 'ہم'، 'سورگ'، 'دیوانہ مستانہ'، 'بھاگم بھاگ' حسینہ مان جائے گی جیسی مشہور فلموں میں کام کیا۔ انھوں نے کہا کہ مہاراشٹر کے وزیر اعلی ایکناتھ شندے ہی 2024 کے لوک سبھا انتخابات میں حصہ لینے کے تئیں میرے بارے میں فیصلہ لیں گے۔
ممبئی سے تقریباً 60 کلومیٹر دور ویرار سے تعلق رکھنے والے گووندا نے 2004 کے لوک سبھا انتخابات میں ممبئی شمالی حلقہ سے بی جے پی کے قدآور لیڈر رام نائک کو شکست دی تھی، جسے بی جے پی کا گڑھ سمجھا جاتا تھا۔ 2004 میں گووندا نے کانگریس کے ٹکٹ پر الیکشن لڑا تھا۔
مہاراشٹر کے وزیر اعلی ایکناتھ شندے نے کہا کہ ممبئی کی ترقی سے متاثر ہو کر گووندا شیوسینا میں شامل ہو گئے ہیں۔ شندے نے نامہ نگاروں کو بتایا کہ وہ بغیر کسی شرط کے شیو سینا میں شامل ہوئے ہیں۔ وہ بالی ووڈ کے لیے کام کرنا چاہتے ہیں اور انھیں ٹکٹ نہیں چاہیے۔
شندے نے مزید کہا کہ گووندا 2014 کے لوک سبھا انتخابات میں شیو سینا کے لیے انتخابی مہم چلائیں گے۔ واضح رہے کہ شیوسینا مہاراشٹر کے نائب وزیر اعلی اجیت پوار کی قیادت میں بی جے پی اور نیشنلسٹ کانگریس پارٹی (این سی پی) کے ساتھ اتحاد میں ہے۔
یہ بھی پڑھیں:
گووندا شیوسینا کے ٹکٹ سے لڑیں گے لوک سبھا انتخابات
بی جے پی کی پانچوی فہرست جاری، کنگنا رناوت کو منڈی سیٹ سے ٹکٹ
