ممبئی: جے این یو (جہانگیر نیشنل یونیورسٹی) کا ٹریلر جاری کر دیا گیا ہے۔ جس میں یونیورسٹی کے طلباء کو کئی سنگین مسائل اٹھاتے ہوئے دیکھا جا سکتا ہے۔ ٹریلر میں یونیورسٹی کے اندر چل رہی سیاست کو دکھایا گیا ہے۔ جس میں دو مکاتب فکر کے لوگ مختلف مسائل پر ایک دوسرے سے مدمقابل ہو جاتے ہیں۔
اس فلم میں اروشی روٹیلا، روی کشن، پیوش مشرا، رشمی دیسائی جیسے عظیم اداکاروں نے کام کیا ہے اور اسے ونے ورما نے ڈائریکٹ کیا ہے۔ فلم کے ٹریلر سے اندازہ لگایا جا سکتا ہے کہ فلم میں طلبہ کی سیاست کو دکھایا گیا ہے۔
کچھ دن پہلے میکرز نے جے این یو کا ٹیزر جاری کیا تھا اور اب ٹریلر جاری کیا ہے۔ اسے دیکھنے کے بعد کچھ لوگ اس فلم کو پروپیگنڈا قرار دے رہے ہیں تو کچھ اس کے نام پر بھی ناراضگی کا اظہار کر رہے ہیں۔
جبکہ کچھ لوگوں نے اس کی اسٹار کاسٹ کو زبردست قرار دیا ہے، اب دیکھنا یہ ہے کہ لوگ اس فلم کو پسند کرتے ہیں یا نہیں اور یہ فلم باکس آفس پر کامیاب ہوتی ہے یا نہیں۔
جے این یو فلم 21 جون کو سینما گھروں میں ریلیز ہوگی۔ فلم کے ٹریلر کو جاری کرتے ہوئے، میکرز نے کیپشن لکھا، 'جب اینٹی نیشنلزم تعلیم پر حاوی ہو جاتا ہے۔ لیفٹ بمقابلہ رائٹ کے ٹکراو کا گواہ بنیں، کیونکہ کیمپس میدان جنگ بن گیا ہے۔
اس فلم کو پرتیما دتہ نے پروڈیوس کیا ہے اور مہاکال مووی اسے پریزینٹ کررہی ہے۔ فلم میں سدھارتھ بوڈکے، اروشی روٹیلا، پیوش مشرا، روی کشن، رشمی دیسائی، وجے راج، اتل پانڈے جیسے فنکاروں نے خصوصی کردار ادا کر رہے ہیں۔
