مرادآباد: مشہور سیریل ہے، بھابھی جی گھر پر ہیں، اس ٹی وی سیریل کامیڈی کے سپر ہٹ اداکار سلیم زیدی عرف ٹِلو مراد آباد پہنچ گئے۔ اس موقع پر سلیم زیدی عرف ٹِلو سے ای ٹی وی بھارت اردو نے خصوصی گفتگو کی ہے۔ سلیم زیدی کا تعلق اتر پردیش کے ضلع رام پور سے ہے جہاں انہوں نے دہلی سے ماس کمیونیکیشن میں گریجویشن کرنے کے بعد آل انڈیا ریڈیو میں بطور ریڈیو جاکی کام کیا۔ انہوں نے ایک تھیٹر میں شمولیت اختیار کی۔ ان کا پہلا ڈرامہ دارا شکوہ تھا جس میں انہوں نے جہانگیر کا کردار ادا کیا اور سنیما میں ان کا اگلا بڑا بریک بھاگ ملکھا بھاگ سے آیا اور اس کے بعد ایف آئی آر کے ڈائریکٹر ششانک بالی نے انہیں بھابھی جی گھر پر ہیں میں ٹِلو کے کردار کے لیے سائن کیا۔
یہ بھی پڑھیں:
Bhabhi Ji Ghar Par Hai بھابھی جی گھر پر ہیں سیریل میں ٹلو کا کردار ادا کرنے والے سلیم زیدی سے گفتگو
سلیم زیدی عرف ٹِلو، بھابھی جی گھر پر ہیں، سیریل سے 10 سال سے جڑے ہوئے ہیں۔ جلد ہی وہ ایک بار پھر بڑے پردے پر نظر آئیں گے۔ اپنی شاعری کے بارے میں بات کرتے ہوئے انہوں نے کہا کہ میں اہل بیت علیہم السلام پر بھی شاعری کرتا ہوں، شاعری کہتا ہوں، شاعری تو لکھتا ہی ہوں لیکن شاعر نہیں ہوں، کیونکہ مکمل شاعر ہونے کے لیے علم کا، بحر کا ہونا بہت ضروری ہے۔ اس لیے میں اپنے آپ کو شاعر نہیں کہتا، لیکن مجھے شاعری پڑھنے کا شوق ہے، مجھے یہ شوق عراق میں کربلا سے ملا ہے۔ اور پھر اپنے چچا کی وفات کے بعد تیج پر اپنے جذبے کا اظہار کرنے مرادآباد آیا۔
