ممبئی: اے آر رحمان اور ان کی اہلیہ سائرو بانو کی طلاق نے مداحوں کو ہلا کر رکھ دیا۔ ان کے اچانک طلاق کے اعلان سے مداح حیران رہ گئے کیونکہ دونوں کی شادی کے 29 سال بعد علیحدگی ہوگئی۔ دوسری حیران کن بات یہ تھی کہ رحمٰان اور ان کی اہلیہ نے 19 نومبر کو اپنی طلاق کا اعلان کیا۔
وہیں اس کے چند گھنٹے بعد ان کے بینڈ کی رکن موہنی ڈے نے بھی اپنے شوہر سے علیحدگی کا اعلان کیا۔ جس کی وجہ سے سوشل میڈیا پر ہنگامہ مچ گیا کہ رحمان اور سائرہ بانو موہنی کی وجہ سے الگ ہوئے ہیں۔ اب آخر کار میوزیشین کے وکیل نے اس پر اپنی خاموشی توڑتے ہوئے کچھ انکشافات کر دیے ہیں۔
وکیل نے کیا کہا:
19 نومبر کو اے آر رحمان اور سائرہ بانو نے سوشل میڈیا پر طلاق کا اعلان کیا، جس کے چند گھنٹوں بعد اے آر رحمان کے بینڈ کی رکن اور باس گٹارٹسٹ موہنی ڈے نے اپنے شوہر مارک ہارٹش سے طلاق کا اعلان کیا۔ جس کے بعد سوشل میڈیا پر لوگوں نے رحمان اور موہنی کے تعلقات کو جوڑنا شروع کردیا اور یہاں تک کہنا شروع کردیا کہ وہ موسیقار اور سائرہ کے درمیان آگئی ہیں۔
لیکن ان سب کے درمیان رحمان کی وکیل وندنا شاہ نے اپنی خاموشی توڑتے ہوئے کہا کہ 'موہنی کا اے آر رحمان اور سائرہ بانو کی طلاق سے کوئی تعلق نہیں ہے۔ یہ فیصلہ انہوں نے خود لیا ہے۔ وندنا نے کہا- ہر شادی اتار چڑھاؤ سے گزرتی ہے اور کچھ ایسا ہی ان کے ساتھ بھی ہو رہا تھا، مجھے خوشی ہے کہ انہوں نے ایک دوسرے کے فیصلے پر خوشی کا اظہار کیا اور علیحدگی کا فیصلہ کیا۔ علیحدگی کے بعد بھی رحمان اور سائرہ ہمیشہ ایک دوسرے کے لیے کھڑے رہیں گے۔'
غور طلب ہے کہ 29 سالہ موہنی کولکاتا سے تعلق رکھنے والی ایک مشہور گٹارٹسٹ ہیں، جنہوں نے اے آر رحمان کے ساتھ دنیا بھر میں 40 سے زائد شوز میں پرفارم کیا ہے۔
AR Rahman & his wife Saira Banu announce their divorce after 29 years of marriage. #ARRahman’s bassist Mohini Dey has announced her separation from her husband.
— Siju Moothedath (@SijuMoothedath) November 20, 2024
Both are different news but I like the way you read 😎 #arrsairaabreakup #ARRahmandivorce pic.twitter.com/9ToGZ2rvQr
بچوں نے اس فیصلے کی حمایت کی:
اے آر رحمان اور سائرہ کے تین بچے ہیں، دو بیٹیاں اور ایک بیٹا۔ جوڑے کے بچے بھی ان کے فیصلے کی حمایت کرتے ہیں۔ تاہم دونوں کے درمیان مالی معاملات پر کوئی بات چیت نہیں ہوئی۔ نیز یہ فیصلہ دونوں نے باہمی طور پر کیا ہے۔ بغیر کسی اختلاف کے اے آر رحمان اور سائرہ بانو نے ایک دوسرے سے علیحدگی کا فیصلہ کیا۔
