نئی دہلی: مرکزی حکومت جلد ہی ستمبر کے آخری ہفتے یا اکتوبر کے پہلے ہفتے میں ڈی اے میں اضافے کا اعلان کر سکتی ہے۔ ڈی اے میں اضافے کا اعلان گزشتہ سال اکتوبر کے پہلے ہفتے میں کیا گیا تھا۔ تاہم، حکومت یکم جولائی 2024 سے مرکزی حکومت کے ملازمین کے لیے ڈی اے میں 3-4 فیصد اضافے کا اعلان کر سکتی ہے۔ مارچ 2024 میں ڈی اے میں آخری اضافہ میں مرکزی حکومت نے مہنگائی الاؤنس کو بنیادی تنخواہ کے 4 فیصد سے 50 فیصد تک بڑھا دیا تھا۔ حکومت نے مہنگائی ریلیف (ڈی آر) میں بھی 4 فیصد اضافہ کیا تھا۔ ساتویں پے کمیشن کے تحت یہ اضافہ سال میں دو بار کیا جاتا ہے۔ اس بار اضافہ سے لاکھوں مرکزی ملازمین اور پنشنرز کو فائدہ ہوگا۔
مہنگائی الاؤنس مرکزی حکومت کے ملازمین کو دیا جاتا ہے، جبکہ مہنگائی ریلیف پنشنرز کو دیا جاتا ہے۔ ڈی اے اور ڈی آر میں سال میں دو بار اضافہ کیا جاتا ہے، جو جنوری اور جولائی سے لاگو ہوتا ہے۔
اس دن آپ کو اچھی خبر ملے گی
میڈیا رپورٹس کے مطابق مہنگائی الاؤنس میں 3 سے 4 فیصد اضافہ ہوسکتا ہے۔ اس اضافے کے بعد مہنگائی الاؤنس بڑھ کر 53 فیصد ہو جائے گا۔ رپورٹ کے مطابق اسے 25 ستمبر کو ہونے والے کابینہ اجلاس کے ایجنڈے میں شامل کیا گیا ہے۔
