حیدرآباد: نیا سال 2025 اپنے ساتھ کئی تبدیلیاں لے کر آرہا ہے۔ اس میں مالی لین دین سے جڑی تبدیلیاں بھی شامل ہیں۔ یکم جنوری 2025 سے، ریزرو بینک آف انڈیا کئی اہم تبدیلیوں کو نافذ کرنے جا رہا ہے۔ آر بی آئی کے اس اقدام سے ملک بھر میں لاکھوں بینک اکاؤنٹس متاثر ہوں گے۔ اب ایسے میں یہ جان لیجیے کہ کہیں آپ کو اپنے بینک اکاؤنٹ تک رسائی کھونے کا خطرہ ہے؟ آر بی آئی کی ان تبدیلیوں کو سمجھنا اور وقت رہتے کارروائی کرنا ضروری ہے۔
آر بی آئی کچھ مخصوص قسم کے بینک کھاتوں کو بند کرنے جا رہا ہے۔ مخصوص قسم کے بینک کھاتوں کو بند کرنے کا مرکزی بینک کا فیصلہ اس کے مقصد سے ہوتا ہے تاکہ بینکنگ لین دین کی حفاظت، شفافیت اور کارکردگی کو بڑھایا جا سکے۔ بینکنگ نظام کو ہموار کرتے ہوئے آر بی آئی کا مقصد دھوکہ دہی کی سرگرمیوں، خاص طور پر بینک اکاؤنٹ ہیکنگ، اور سیکٹر کے اندر ڈیجیٹلائزیشن اور جدید کاری کو فروغ دینا ہے۔ ریزرو بینک آف انڈیا کے یہ نئے اقدامات بینکنگ نظام میں خطرات کو کم کرنے، بینکنگ آپریشنز میں خامیوں کو دور کرنے اور صارفین کے مفادات کا تحفظ کرتے ہوئے انہیں بہتر خدمات فراہم کرنے کے لیے بنایا گیا ہے۔
یہاں جانئے یکم جنوری 2025 میں، کن تین مخصوص قسم کے بینک کھاتوں کو بند کرنے کا منصوبہ ہے۔
1- ڈورمینٹ اکاؤنٹس (Dormant Accounts) کسی بینک کھاتے کو ڈورمینٹ اکاؤنٹ تب ڈکلیئر کیا جاتا ہے جب اس میں دو سال یا اس سے زیادہ کی مسلسل مدت سے کوئی لین دین نہیں ہوا ہو۔ ایسے اکاؤنٹس پر ہیکرز کی نظر رہتی ہے اور اس کے غلط استعمال کا خطرہ بڑھ جاتا ہے۔ ہیکرز اکثر ڈورمینٹ اکاؤنٹس کو دھوکہ دہی کی سرگرمیوں کے لیے استعمال کرتے ہیں۔ صارفین اور بینکنگ نظام کی حفاظت کے لیے مرکزی بینک نے ڈورمینٹ اکاؤنٹس کو بند کرنے کا فیصلہ کیا ہے۔ |
2- غیر فعال اکاؤنٹس (Inactive Accounts) جن کھاتوں میں ایک سال یا اس سے زیادہ کی مدت تک کوئی لین دین کی سرگرمی نہیں ہوتی اسے غیر فعال اکاؤنٹس قرار دیا جاتا ہے۔ آر بی آئی ایسے اکاؤنٹس کو سکیورٹی کو بڑھانے اور دھوکہ دہی کے خطرات کو کم کرنے کی کوششوں کے حصے کے طور پر بند کر رہا ہے۔ یاد رہے اگر آپ کا اکاؤنٹ غیر فعال اکاؤنٹ کے زمرے میں آتا ہے، تو اسے دوبارہ فعال کرنا ہوگا یا پھر اکاؤنٹ کے بند ہونے کے خطرے کا سامنا کرنا ہوگا۔ |
3- زیرو بیلنس اکاؤنٹس (Zero Balance Accounts) آر بی آئی نے لمبے وقت سے صفر بیلنس برقرار رکھنے والے اکاؤنٹس کو بھی بند کرنے کا فیصلہ کیا ہے۔ اس کا مقصد بھی ایسے کھاتوں کے غلط استعمال کو روکنا، مالی خطرات کو کم کرنا اور صارفین کو اپنے بینکوں کے ساتھ فعال تعلقات برقرار رکھنے کی ترغیب دینا ہے۔ اس کے علاوہ آر بی آئی چاہتا ہے کہ، اس اقدام سے صارفین کے، کے وائی سی اصول مضبوط ہوں اور تمام کسٹمرس کی معلومات تازہ ترین اور درست ہوں۔ |
اس خطرے سے بچنے کے لیے کیا کریں؟
اگر آپ کا بینک کھاتہ گزشتہ دو سال سے زیادہ عرصے سے غیر فعال ہے، تو اسے دوبارہ فعال کرنے کے لیے فوری اقدامات کریں۔ اس کے لیے بینک جاکر یا آن لائن اپنے کے وائی سی پروسیس کو مکمل کریں۔ اگر نام میں تبدیلی یا آپ کے رہائشی اڈریس میں تبدیلی آتی ہے تو اسے وقت وقت پر اپڈیٹ کرتے رہیں۔ دوسرا کئی بینک ایسے ہیں جو کم ازکم بیلنس برقرار رکھنے کے اصول پر چلتے ہیں، اس لیے اپنے بینک کے اس ضمن میں رہنمایا خطوط کو چیک کر لیں۔
یہ بھی پڑھیں:
