لکھنؤ: یوجر۔فرینڈلی متبادلات سے لے کر آرٹیفیشیل انٹیلجنس(آے آئی) لیس ڈیوائسز تک مختلف کیمروں کی فراہمی کے ساتھ بھارت میں سی سی ٹی وی بازار کے 3.30 بلین امریکی ڈالر سے بڑھ کر 2028 تک 8.43 بلین ڈالر تک پہنچ جانے کے امکانات ہیں۔
ویسٹرن ڈیجیٹل نے ایک بااختیار ذرائع کے ذریعے یہ معلومات شیئر کرتے ہوئے کہا کہ سی سی ٹی وی ایپلی کیشنز کے بڑھتے ہوئے ماحول میں سکیورٹی کے لیے روایتی شعبوں کے علاوہ ریٹیل مینجمنٹ اور ٹرانسپورٹیشن جیسے دیگر شعبوں میں اسمارٹ ویڈیو کی اہمیت بڑھ گئی ہے۔
خالد وانی، سینئر ڈائریکٹر، سیلز، انڈیا، ویسٹرن ڈیجیٹل، نے منگل کو کہا کہ سمارٹ ویڈیو سیٹ اپ کے اہم عناصر میں خصوصی اسٹوریج کا ایک اہم کردار ہے۔ موثر سی سی ٹی وی آپریشنز کے لئے زیادہ اہلیت والے اسٹوریج سالوشن کی ضرورت ہے، تاکہ 24/7 ویڈیو کیپچر ممکن ہوسکے۔اس کے لیے بڑی مقدار میں اسٹوریج میں سرمایہ کاری کرنا ضروری ہے، چاہیے آن کیمرہ مائیکرو ایس ڈی ٹی ایم کارڈز ہوں یا ہارڈ ڈسک ڈرائیو۔ ویسٹرن ڈیجیٹل WD Purple Pro Smart Video HDD 22TB تک سٹوریج کی گنجائش پیش کرتا ہے، جو CCTV سیٹ اپ کے لیے بہترین ہے۔
مزید پڑھیں: سعودی عرب میں سی سی ٹی وی کی ریکارڈنگ پبلک کرنا خلاف قانون قرار
انہوں نے کہا کہ سی سی ٹی وی سٹوریج سلوشنز کو زیادہ برداشت کی ضرورت ہوتی ہے، تاکہ وہ چیلنجنگ موسمی حالات میں بھی کام کر سکیں اور ڈاؤن ٹائم کم سے کم ہو۔ کیمروں کے مشکل مقامات کی وجہ سے زیادہ زیادہ برداشت والے اسٹوریج سالوشنز کا انتخاب بہت ضروری ہوجاتا ہے۔
(یو این آئی)
