نئی دہلی: ملک میں مہنگائی کی وجہ سے لوگوں کا برا حال ہے۔ اس پر ایک اور بڑا دھچکا لگا ہے۔ امول نے ملک بھر میں دودھ کی قیمتوں میں اضافہ کر دیا ہے۔ معلومات کے مطابق گجرات کوآپریٹو دودھ مارکیٹنگ فیڈریشن نے پیر سے امول دودھ کی قیمتوں میں 2 روپے فی لیٹر کا اضافہ کیا ہے۔
غور طلب ہے کہ امول گولڈ دودھ کی قیمت میں دو روپے فی لیٹر اضافہ کرنے کے ساتھ ساتھ امول نے امول شکتی اور ٹی اسپیشل کی قیمتوں میں بھی اتنے ہی روپے کا اضافہ کیا ہے۔ ان تمام بڑھی ہوئی قیمتوں کا اطلاق پیر سے ہو گیا ہے۔
اب امول گولڈ دودھ کی نئی قیمت 64 روپے فی لیٹر سے بڑھ کر 66 روپے فی لیٹر ہو گئی ہے۔ ساتھ ہی امول ٹی اسپیشل کی قیمت 62 روپے سے بڑھ کر 64 روپے فی لیٹر ہو گئی ہے۔ اس اضافے پر امول نے کہا کہ بڑھی ہوئی قیمتوں میں صرف 3 سے 4 فیصد اضافہ ہے۔ جو خوراک کی مہنگائی سے کم ہے۔
امول نے مزید کہا کہ اس سے قبل پچھلے سال فروری 2023 میں قیمتوں میں اضافہ کیا گیا تھا۔ اس لیے قیمتوں میں اضافہ ضروری تھا۔ امول نے کہا کہ یہ فیصلہ دودھ کی پیداوار اور لاگت میں اضافے کی وجہ سے لیا گیا ہے۔ اس کے علاوہ دہی کی قیمتوں میں بھی اضافہ کیا گیا ہے۔ لیکن ابھی تک کوئی سرکاری اطلاع سامنے نہیں آئی ہے۔
یہ بھی پڑھیں: امول دودھ کی قیمت میں تین روپے فی لیٹر اضافہ
