لکھنؤ: ایم مودی کے پسندیدہ افسر درگا شنکر مشرا کی چیف سکریٹری کے طور پر میعاد میں اس بار توسیع نہیں کی گئی ہے اور وزیر اعلیٰ یوگی آدتیہ ناتھ کے خاص افسروں میں سے ایک منوج کمار سنگھ کو چیف سکریٹری بنایا گیا۔ واضح ہو گیا ہے کہ 2027 کے اسمبلی انتخابات تک یوگی اپنے حساب سے فیصلے لیں گے۔ اب سوال یہ اٹھتا ہے کہ کیا مرکزی حکومت اتر پردیش میں کچھ مداخلت نہیں کرے گی۔ چیف سکریٹری کی تقرری کے ساتھ ہی یہ واضح ہو گیا ہے کہ یوگی آدتیہ ناتھ کو زیر کر کے اتر پردیش کی حکومت نہیں چلے گی۔ ہر بار کی طرح اس بار بھی مرکزی حکومت نے چیف سکریٹری کی تقرری میں کوئی مداخلت نہیں کی۔ اس سے منوج کمار سنگھ کے چیف سکریٹری کے عہدے پر بیٹھنے کا راستہ صاف ہوگیا ہے اور یوگی کے پسندیدہ افسر بھی چیف سکریٹری کے طور پر رکھتے ہوئے یوگی کے بھروسے کے ساتھ کام کریں گے۔
درگا شنکر مشرا مرکز میں ہاؤسنگ اور شہری ترقی کے سکریٹری تھے۔ اس کے بعد جب وہ ریٹائر ہونے والے تھے تو یوگی کی مرضی کے خلاف انہیں اتر پردیش کا چیف سکریٹری بنادیا گیا۔ اترپردیش میں وزیر اعلیٰ یوگی آدتیہ ناتھ چاہتے ہیں کہ اہم عہدوں پر صرف ان کے قریبی ہی رہیں۔
یوپی میں بی جے پی کی ہار سے مرکزی حکومت بھی بہت محتاط ہوگئی ہے اور وہ ہر چیز میں مداخلت بھی نہیں کرنا چاہتی ہے۔ مگر دیا شنکر کے سلسلے میں اور ان کے قریبی لوگوں کو امید تھی کہ ان کی اس بار بھی توسیع ہو جائے گی۔ لیکن اس بار وزیر اعلیٰ یوگی آدتیہ ناتھ کے فیصلے کے آگے کسی نے کوئی رکاوٹ نہیں ڈالی۔ منوج کمار سنگھ، جو اب تک انڈسٹریل ڈیولپمنٹ کمشنر، نوئیڈا کے ایم ڈی کے علاوہ کئی دیگر اہم عہدوں پر کام کر رہے تھے۔ انہیں چیف سکریٹری کے عہدے پر ترقی دی گئی ہے، جس کی وجہ سے ایک بات واضح ہوگئی ہے کہ اب وزیر اعلیٰ یوگی آدتیہ ناتھ اتر پردیش کے آفیسر کور میں اہم عہدوں پر اپنے ہی افسران کو ذمہ داریاں دیتے رہیں گے۔
سینئر صحافی اور سیاسی تجزیہ کار اوماشنکر دوبے کا کہنا ہے کہ اتر پردیش میں ٹکٹوں کی تقسیم کے سلسلے میں وزیر اعلیٰ یوگی آدتیہ ناتھ کو لاپرواہی مہنگی پڑی۔ اس لیے لوک سبھا انتخابات کے بعد اب باگ ڈور براہ راست یوگی آدتیہ ناتھ کو سونپ دی گئی ہے۔ 2027 تک چیف منسٹر یوگی آدتیہ ناتھ اپنی خواہش کے مطابق اتر پردیش میں بڑی تبدیلیاں کریں گے۔ اس کا اثر بیوروکریسی سے لے کر اتر پردیش کی سیاست تک ہر جگہ نظر آئے گا۔
یہ بھی پڑھیں:
