وایناڈ: کیرالہ میں وایناڈ لوک سبھا ضمنی انتخاب 2024 کے لیے مہم شروع ہو گئی ہے۔ کانگریس امیدوار اور پارٹی جنرل سکریٹری پرینکا گاندھی پیر کو وہاں پہنچ گئیں۔ جانکاری کے مطابق پرینکا اپنی پہلی انتخابی مہم شروع کریں گی۔ اس سے پہلے انہوں نے نیل گیری کالج کے طلبہ سے ملاقات کی۔ آپ کو بتا دیں کہ الیکشن کمیشن نے یہاں 13 نومبر کو ووٹ ڈالنے کا فیصلہ کیا ہے۔ جبکہ نتائج 23 نومبر کو آئیں گے۔
#WATCH | Nilgiris, Tamil Nadu: Congress leader and party's candidate for Wayanad Lok Sabha by-election, Priyanka Gandhi Vadra meets students of Nilgiri college
— ANI (@ANI) October 28, 2024
(Source: Congress) pic.twitter.com/1Jr17pdKoD
سوشل میڈیا پلیٹ فارم 'ایکس' پر پوسٹ کرتے ہوئے پرینکا نے لکھا کہ "وہ لوگوں کے ساتھ عوامی رابطہ بھی کریں گی۔ انہوں نے مزید لکھا کہ ویناڈ کے لوگ اس سے قبل بھی سچائی، انصاف اور جمہوریت کے ساتھ کھڑے رہے ہیں اور آئین کی روح کو مضبوط کرنے کے لیے کام کیا ہے۔ یہاں کے لوگ آئین اور جمہوریت کو مضبوط کرتے ہوئے ترقی و پیشرفت کا نیا باب لکھیں گے۔ عوام کا ولولہ اور جوش دیکھنے لائق ہے۔" موصولہ اطلاعات کے مطابق پرینکا گاندھی ہیلی کاپٹر کے ذریعے مینانگڈی پہنچیں گی، جہاں وہ تین انتخابی ریلیوں سے خطاب کریں گی۔
वायनाड की जनता पहले भी सत्य, न्याय और लोकतंत्र के साथ खड़ी हुई है और संविधान की भावना को मजबूत करने का काम किया है। वायनाड के लोग आगे भी संविधान और लोकतंत्र को मजबूत करते हुए विकास और प्रगति का नया अध्याय लिखेंगे। जनता का जोश और उत्साह देखने लायक है।
— Priyanka Gandhi Vadra (@priyankagandhi) October 28, 2024
आज वायनाड की जनता से संवाद… pic.twitter.com/cbonV0hzE0
اس کے بعد منگل کو بھی ان کی چار انتخابی میٹنگیں ہیں، جس کے بعد وہ واپس آئیں گی۔ کیرالہ میں کانگریس پارٹی کا مقصد پرینکا گاندھی کو اب تک کے سب سے بڑے فرق سے جیتنا ہے۔ اس کے لیے وہ بھرپور انتخابی مہم میں مصروف ہیں۔ ذرائع نے انکشاف کیا ہے کہ پارٹی نے جیت کا ہدف پانچ لاکھ ووٹوں کا رکھا ہے۔ پرینکا کی نامزدگی کے وقت کئی سیاستدان موجود تھے۔ ساتھ ہی، وایناڈ سے کانگریس امیدوار نے ملیالم اور انگریزی میں مقامی لوگوں کو خط بھی لکھا۔
خط میں انہوں نے لکھا کہ ان سے سیکھنا اور اس بہادر کمیونٹی کا حصہ بننا اعزاز کی بات ہوگی جو ایک دوسرے کا احترام کرنا اور مشکل ترین وقت میں بھی مضبوطی سے کھڑے رہنا جانتی ہے۔ اپنے خط کے آخر میں انہوں نے کہا کہ اگر وہ انہیں اپنا رکن پارلیمنٹ بنا دیتے ہیں تو وہ ان کی بہت شکر گزار ہوں گی۔ غور طلب ہے کہ ان کے بھائی اور لوک سبھا میں اپوزیشن لیڈر راہل گاندھی نے 2024 کے عام انتخابات میں رائے بریلی لوک سبھا سیٹ برقرار رکھتے ہوئے یہاں سے استعفیٰ دے دیا تھا۔ جس کی وجہ سے ضمنی انتخابات ہو رہے ہیں۔
My dear sisters and brothers of Wayanad... pic.twitter.com/eQ2M5U370E
— Priyanka Gandhi Vadra (@priyankagandhi) October 26, 2024
جبکہ سی پی آئی نے سابق ایم ایل اے ستیان موکیری کو میدان میں اتارا ہے، جو 2014 کے عام انتخابات میں تیسرے نمبر پر رہے تھے، بی جے پی نے کوزی کوڈ کارپوریشن پارٹی کی نوجوان کونسلر نویا ہری داس کو میدان میں اتارا ہے، جو اپنی نوکری چھوڑ کر کل وقتی سیاست میں آئی ہیں۔
راہل گاندھی نے 2019 کے عام انتخابات میں وایناڈ سے 4.60 لاکھ کے فرق سے کامیابی حاصل کی تھی، جو 2024 کے عام انتخابات میں کم ہو کر 3.64 لاکھ رہ گئی۔
