وقف کمیٹی اپنی سفارشات اور ترمیم شدہ بل کو اپنائے گی: جگدمبیکا پال

وقف بل پر تشکیل دی گئی کمیٹی کو اپنی رپورٹ پارلیمنٹ کے بجٹ اجلاس میں پیش کرے گی۔

نئی دہلی: وقف ترمیمی بل کی جانچ کرنے والی مشترکہ پارلیمانی کمیٹی کے چیئرمین جگدمبیکا پال نے کہا کہ آج 29 تاریخ کو ہونے والی میٹنگ میں کمیٹی کی مسودہ رپورٹ اور مجوزہ قانون کے ترمیم شدہ ورژن کو اپنایا جائے گا۔

یہ بات انہوں نے کمیٹی کے ممکنہ حتمی اجلاس کی صدارت سے قبل میڈیا سے گفتگو کرتے ہوئے کہی۔ میٹنگ سے پہلے اپوزیشن کے کئی اراکین پارلیمنٹ نے اپنے ایجنڈے پر تبادلہ خیال کرنے کے لیے ایک میٹنگ کی۔ اپوزیشن کے کئی ارکان کمیٹی کی سفارشات کے خلاف اپنی ناراضگی ظاہر کرنے کی تیاری کر رہے ہیں۔

#WATCH | Delhi | JPC on Waqf Amendment Bill 2024 members interact with committee chairman and BJP MP Jagadambika Pal. pic.twitter.com/4NyEtKbz0S

— ANI (@ANI) January 29, 2025

وقف ترمیمی بل، 2024 کو آٹھ اگست 2024 کو مشترکہ پارلیمانی کمیٹی (جے پی سی) کے پاس بھیج دیا گیا تھا جب اسے مرکزی اقلیتی امور کے وزیر کرن رجیجو نے لوک سبھا میں پیش کیا تھا۔ اس بل کا مقصد وقف ایکٹ، 1995 میں ترمیم کرنا ہے تاکہ وقف املاک کے ضابطے، انتظام اور اختیارات میں رد و بدل کیا جا سکے۔

#WATCH | Delhi | On meeting of JPC on Waqf Amendment Bill 2024, AAP MP Sanjay Singh says, " we have submitted our view before the jpc chairman which is a part of the draft report and it cannot be discussed in the media." pic.twitter.com/LMPCf9UPBv

— ANI (@ANI) January 29, 2025

قبل ازیں ذرائع نے بتایا کہ وقف ترمیمی بل 2024 پر مسودہ رپورٹ بدھ کو پینل کے اجلاس سے قبل مشترکہ پارلیمانی کمیٹی کے ارکان کو بھیج دیا گیا ہے۔ پینل نے 14 سیکشنز میں ترامیم کی منظوری دی ہے۔

#WATCH | Delhi | On meeting of JPC on Waqf Amendment Bill 2024, BJP MP Dr Radha Mohan Das Agrawal says, " the report on waqf amendment bill has been adopted by 14 to 11 votes. various parties have submitted their dissent notes. the report will be submitted to the speaker tomorrow.… pic.twitter.com/aNJbHizAoU

— ANI (@ANI) January 29, 2025

جے پی سی کے چیئرمین جگدمبیکا پال نے منگل کو کہا کہ بات چیت میں جمہوری عمل کی پیروی کی گئی، جب کہ حزب اختلاف کے ارکان نے کہا کہ انہیں بھاری بھرکم مسودہ رپورٹ دیکھنے اور اپنی رائے رکھنے کے لیے بہت کم وقت دیا گیا۔ بی جے پی ایم پی جگدمبیکا پال نے کہا کہ مسودہ رپورٹ کو اپنانے کے لیے آج ایک میٹنگ ہوگی۔

#WATCH | Delhi | On meeting of JPC on Waqf Amendment Bill 2024, DMK MP A Raja says, " the draft report has been adopted in a hurried manner. last night we received the draft report by 9.50 pm, how can the chairman expect that we will submit the dissent note overnight..." pic.twitter.com/eVoZHJCc85

— ANI (@ANI) January 29, 2025

انہوں نے اپوزیشن کے الزامات کو بھی مسترد کردیا۔ انہوں نے کہا کہ پیر کو ہونے والے اجلاس میں ہم نے 44 مجوزہ ترامیم پر ارکان پارلیمنٹ سے تجاویز طلب کی تھیں۔ آج کلیان بنرجی اور اے راجہ سمیت جو لوگ یہ الزام لگا رہے ہیں کہ انہیں بولنے نہیں دیا گیا، وہ غلط ہیں۔ ہم نے اپوزیشن کی طرف سے تجویز کردہ تمام ترامیم پر ووٹنگ کرائی تھی۔ یہ سارا عمل شفاف طریقے سے ہوا۔ ہم نے نظرثانی شدہ بل قانون ساز محکمے کو بھیج دیا ہے۔