ملک کی سب سے بڑی عدالت سپریم کورٹ نے منگل کو کہا کہ وہ بلڈوزر کاروائی کے بارے میں ہدایات مرتب کرے گی کہ زمین کے میونسپل قوانین کے تحت جائیدادوں کو کب اور کیسے منہدم کیا جا سکتا ہے۔ سپریم کورٹ نے ان درخواستوں پر سماعت کی جس میں شکایات کی گئی ہیں کہ کئی ریاستوں میں کسی نہ کسی جرم کے الزام میں لوگوں کی جائیدادوں کو منہدم کیا جا رہا ہے۔
Supreme Court directs that no demolition of property anywhere in India will take place without permission of the Court till October 1, the next date of hearing but clarifies that this order will not be applicable to any unauthorised construction on public roads, footpaths, among… pic.twitter.com/kdZKpkM0Ue
— ANI (@ANI) September 17, 2024
عدالت عظمیٰ نے یہ بھی کہا کہ عوامی سڑکوں، آبی ذخائر، ریلوے لائنوں پر موجود غیر قانونی تعمیرات کو گرانے کے لیے سپریم کورٹ کی اجازت کی ضرورت نہیں ہے۔ 2 ستمبر کو سماعت کے دوران سپریم کورٹ نے کسی شخص کے گھر کو محض اس لیے گرانے کی قانونی حیثیت پر سوال اٹھایا تھا کہ وہ ملزم ہیں۔ عدالت نے ریمارکس دیئے کہ صرف ملزم ہونے پر کسی کا گھر کیسے گرایا جا سکتا ہے۔ یہاں تک کہ اگر وہ ایک مجرم ہے، تب بھی یہ قانون کے مطابق طریقہ کار پر عمل کیے بغیر نہیں کیا جا سکتا۔ سپریم کورٹ نے اس مسئلے کو مؤثر طریقے سے حل کرنے کے لئے ملک گیر سطح پر رہنمایانہ خطوط قائم کرنے کی بات کہی تھی۔
سپریم کورٹ کی جانب سے ملک بھر میں بلڈوزر کاروائی پر یکم اکتوبر تک روک لگانے کے فیصلے پر سماج وادی پارٹی کے سربراہ اکھلیش یادو نے کہا ہے "بلڈوزر انصاف نہیں ہو سکتا۔ یہ غیر آئینی تھا، لوگوں کو ڈرانے کے لیے تھا۔ بلڈوزر جان بوجھ کر اپوزیشن کی آواز کو دبانے کے لیے تھا۔ میں سپریم کورٹ کا اس فیصلے پر شکریہ ادا کرتا ہوں جس نے بلڈوزر کو روکا ہے۔ وزیراعلی یوگی آدتیہ ناتھ، یوپی حکومت اور بی جے پی کے لوگوں نے 'بلڈوزر' کی تعریف کی جیسے یہ انصاف ہے... اب جب سپریم کورٹ نے ہدایت دی ہے، مجھے لگتا ہے کہ بلڈوزر رک جائے گا اور عدالت کے ذریعے انصاف ملے گا"۔
#WATCH | On Supreme Court's direction, SP chief Akhilesh Yadav says, " bulldozer can't be justice. it was unconstitutional, it was to scare people. bulldozer was to deliberately suppress the voice of opposition. i thank supreme court for this direction that has stopped bulldozer.… https://t.co/F1BTLXy3l8 pic.twitter.com/21FnXOxSA8
— ANI (@ANI) September 17, 2024
واضح رہے کہ سپریم کورٹ میں جمعیت علماء ہند اور دیگر افراد کی جانب سے بلڈوزر جسٹس کے خلاف عرضیاں دائر کی گئی تھیں۔ ان عرضیوں پر سپریم کورٹ میں سماعت ہوئی۔ جس میں سپریم کورٹ نے کہا تھا کہ کسی کا گھر کیسے گرایا جا سکتا ہے کیونکہ صرف وہ ملزم ہے؟ یہاں تک کہ اگر وہ مجرم ہے، تب بھی اسے قانون کے ذریعہ طے شدہ طریقہ کار پر عمل کیے بغیر منہدم نہیں کیا جا سکتا"۔
'بلڈوزر جسٹس' کے متنازعہ طرز عمل کی سخت سرزنش کرتے ہوئے سپریم کورٹ نے سماعت کے دوران اعلان کیا تھا کہ وہ جائیدادوں کے انہدام کو کنٹرول کرنے والے پین انڈیا بنیادوں پر رہنما اصول وضع کرے گی۔ عدالت عظمیٰ نے سوال کیا کہ ایک مکان کو صرف اس لیے کیسے گرایا جا سکتا ہے کہ وہ فوجداری کیس کے ملزم کا ہے۔ جسٹس بی آر گاوائی اور کے وی وشواناتھن پر مشتمل بنچ نے اس بات پر زور دیا کہ اس عمل کو ہموار کیا جانا چاہئے اور مزید کہا کہ "ایک بے قصور باپ کا بیٹا ہو سکتا ہے یا اس کے برعکس اور دونوں کو ایک دوسرے کے جرم کی سزا نہیں دی جانی چاہیے"۔ عدالت عظمیٰ نے اس بات پر زور دیا کہ غیر منقولہ جائیدادوں کو صرف درج ذیل طریقہ کار سے ہی مسمار کیا جا سکتا ہے۔
یہ بھی پڑھیں:
