احمد آباد: گجرات کے احمد آباد میں فرضی عدالت پکڑی گئی۔ پیشے کے اعتبار سے ایک وکیل جعلی جج بن کر فراڈ کا یہ دھندہ گزشتہ کئی برسوں سے جاری تھا۔ معاملہ سامنے آنے پر پولیس نے عدالت کے حکم پر سخت کارروائی کی۔
احمد آباد سول کورٹ میں فرضی عدالت چلانے کا معاملہ سامنے آیا ہے۔ یہ جعلی عدالت کافی عرصے سے چل رہی تھی۔ حیران کن بات یہ ہے کہ مورس کرسچن جو کہ پیشے کے اعتبار سے وکیل ہیں، جعلی جج کا روپ دھار کر متنازعہ زمینوں سے متعلق مقدمات میں کئی احکام صادر کر چکے ہیں۔ بتایا جا رہا ہے کہ ان میں سے کچھ آرڈر ڈی ایم آفس پہنچ گئے ہیں۔
یہ معاملہ اس وقت سامنے آیا جب اس سے متعلق معاملہ احمد آباد سٹی سیشن کورٹ کے جج کے پاس پہنچا۔ پھر رجسٹرار نے تھانے میں شکایت درج کرائی۔ پولیس نے تفتیش کے بعد مورس کرسچن کو گرفتار کر لیا۔ احمد آباد میں فرضی عدالت کے اس انکشاف نے ہلچل مچا دی۔ بتایا جا رہا ہے کہ ملزم مورس کرسچن پیشے سے وکیل ہے۔ الزام ہے کہ اس نے جعلی ٹریبونل بنایا اور خود کو جج کے طور پر پیش کیا۔
بھدرا سٹی سول اینڈ سیشن کورٹ، احمد آباد کے رجسٹرار ہاردک دیسائی نے کارنج پولیس اسٹیشن میں ملزم مورس سیموئل کرسچن کے خلاف شکایت درج کرائی۔ رجسٹرار ہاردک دیسائی کی طرف سے درج کرائی گئی شکایت میں کہا گیا ہے کہ ملزمین نے دوسرے لوگوں کے ساتھ مل کر ٹھاکر باپوجی چھانا جی کے نام پر مجرمانہ سازش رچی۔ اس نے خود کو ثالث کے طور پر پیش کیا۔
