نئی دہلی: سپریم کورٹ نے جمعہ کو بلقیس بانو کیس کے 11 مجرموں میں سے دو کی اس درخواست پر غور کرنے سے انکار کر دیا، جس میں 8 جنوری کو ان کی معافی کو منسوخ کرنے کے فیصلے کو چیلنج کیا گیا تھا۔
جسٹس سنجیو کھنہ اور جسٹس سنجے کمار کی بنچ نے عرضی کو بالکل غلط قرار دیا اور کہا کہ یہ عدالت عظمیٰ کی کسی اور بنچ کے حکم پر اپیل میں کیسے بیٹھ سکتی ہے۔یہ کیسی عرضی ہے؟ یہ استدعا کس طرح قابل عمل ہے؟ یہ بالکل غلط ہے۔ آرٹیکل 32 کی درخواست کیسے دائر کی جا سکتی ہے؟ ہم کسی دوسرے بنچ کے ذریعہ دیے گئے حکم پر اپیل میں نہیں بیٹھ سکتے،"
مجرم رادھے شیم بھگوان داس شاہ اور راجو بھائی بابولال سونی کی طرف سے پیش ہونے والے وکیل رشی ملہوترا نے عرضی واپس لینے کی اجازت مانگی۔ جس کے بعد بنچ نے وکیل کو درخواست واپس لینے کی اجازت دے دی۔ مجرمین نے عبوری ضمانت کے لیے بھی درخواست دی ہے۔
واضح رہے کہ مارچ میں دونوں مجرموں نے سپریم کورٹ سے رجوع کیا تھا اور کہا تھا کہ ان کی سزا کی معافی کو منسوخ کرنے کا عدالت کا 8 جنوری کا فیصلہ 2002 کے آئینی بنچ کے حکم کے مطابق تھا اور اس معاملے کو حتمی فیصلے کے لیے لارجر بینچ کے پاس بھیجنے کا مطالبہ بھی کیا۔
