پٹنہ: لوک سبھا انتخابات 2024 کو لے کر بہار میں انتخابی مہم کے ساتھ ساتھ لفظوں کی جنگ بھی تیز ہوگئی ہے۔ 4 اپریل کو جب وزیر اعظم نریندر مودی انتخابی مہم شروع کرنے جموئی سے جا رہے تھے، اس سے ٹھیک پہلے اپوزیشن لیڈر تیجسوی یادو نے اقربا پروری کے معاملے پر انہیں نشانہ بنایا تھا۔ اب نوادہ میں ریلی سے قبل آر جے ڈی لیڈر نے پی ایم مودی کو 2 کروڑ روپے کی نوکریوں کا وعدہ یاد دلایا ہے۔
ملازمتوں اور خصوصی ریاست پر وزیر اعظم کو گھیرا:
بہار کے سابق نائب وزیر اعلی تیجسوی یادو نے وزیر اعظم کو 2014 میں کیے گئے ان کے وعدے کی یاد دلائی، جس میں پی ایم نے نوجوانوں کو سالانہ دو کروڑ نوکریاں فراہم کرنے کی بات کی تھی۔ ساتھ ہی تیجسوی نے ان سے سوال کیا کہ بہار کو خصوصی ریاست کا درجہ دینے کا اعلان بھی کیا گیا تھا، لیکن اب وہ وعدہ کیوں بھول گیے ہیں؟
بدعنوانی پر پی ایم کو تیجسوی کا جواب:
اسی وقت، تیجسوی یادو نے بھی بدعنوانی پر پی ایم کے حملے پر جوابی حملہ کیا ہے۔ انہوں نے اپنے ایکس پر لکھا 99 فیصد بہاری یہ بھی جانتے ہیں کہ گزشتہ 100 سالوں سے ملک بھر میں جاری بی جے پی کی ادارہ جاتی، اور منظم بدعنوانی پر بولنے کے بجائے وزیر اعظم اپوزیشن کو بدعنوان اور گھپلے کرنے والے کہیں گے تاکہ لوگوں کی توجہ اس طرف مبذول ہو، بی جے پی کی کرپشن پر نہیں۔
تیجسوی نے مرکزی تفتیشی ایجنسی پر بھی تنقید کی:
اپوزیشن لیڈر نے مرکزی حکومت پر مرکزی تحقیقاتی ایجنسی کا غلط استعمال کرنے اور اپوزیشن لیڈروں کو ہراساں کرنے کا الزام لگایا۔ تیجسوی نے پوچھا کہ 'کیا وزیر اعظم بتائیں گے کہ جانچ ایجنسیاں بی جے پی لیڈروں کے گھروں پر چھاپے کیوں نہیں مارتی ہیں؟ بی جے پی لیڈروں کی تحقیقات کیوں نہیں ہوتی؟
آج نوادہ میں وزیر اعظم مودی کی ریلی:
وزیر اعظم نریندر مودی آج بہار کے نوادہ میں ایک انتخابی ریلی سے خطاب کریں گے۔ وہ بی جے پی امیدوار وویک ٹھاکر کے لیے ووٹ مانگیں گے۔ تین دنوں میں بہار میں وزیر اعظم کی یہ دوسری ریلی ہے۔ اس سے قبل جموئی میں انہوں نے چراغ پاسوان کے بہنوئی کے لیے ایک جلسہ عام سے خطاب کیا تھا۔ آج کی ریلی میں چراغ اور ان کے چچا پشوپتی کمار پارس ایک ساتھ اسٹیج شیئر کریں گے۔ اس جلسہ عام میں وزیر اعلیٰ نتیش کمار بھی شرکت کریں گے۔
یہ بھی پڑھیں:
