راہل گاندھی لینڈ سلائیڈنگ سے متاثرہ وائناڈ کے لیے روانہ - Wayanad Landslide

Rahul Gandhi Wayanad visit: لوک سبھا میں قائد حزب اختلاف اور کانگریس کے رکن پارلیمنٹ راہل گاندھی آج صبح کیرالہ کے وائناڈ کے لیے روانہ ہوگئے۔ وہ لینڈ سلائیڈنگ سے متاثرہ وائناڈ کے مختلف علاقوں کا جائزہ لیں گے۔

نئی دہلی: کانگریس لیڈر راہل گاندھی آج کیرالہ کے وائناڈ کا دورہ کریں گے۔ اس دوران وہ لینڈ سلائیڈنگ سے متاثرہ علاقے کے لوگوں سے ملاقات کریں گے اور ان کی خیریت معلوم کریں گے۔ لینڈ سلائیڈنگ سے متاثرہ علاقے میں بڑے پیمانے پر تباہی ہوئی ہے۔ بتایا جا رہا ہے کہ 249 لوگوں کی موت ہو گئی ہے جب کہ بڑی تعداد میں لوگ زخمی ہیں۔ جن کا علاج کیا جا رہا ہے۔

#WATCH | Delhi: Lok Sabha LoP and Congress MP Rahul Gandhi leaves his residence as he heads to Wayanad to take stock of the situation of the constituency which has been rocked by massive landslides leading to 167 deaths. pic.twitter.com/erLlXi4rpO

— ANI (@ANI) August 1, 2024

اس سے قبل بدھ کے روز راہل گاندھی نے مرکزی حکومت پر زور دیا کہ وہ بڑے پیمانے پر لینڈ سلائیڈنگ کے بعد وائناڈ کے لوگوں کو ہر ممکن مدد فراہم کرے۔ لوک سبھا میں لینڈ سلائیڈنگ پر مختصر بحث کے دوران راہل گاندھی نے کہا کہ یہ علاقہ ماحولیاتی لحاظ سے نازک ہے۔ حادثات کو روکنے کے لیے ٹیکنالوجی کے حل پر غور کیا جانا چاہیے۔ گاندھی نے کہا کہ وائناڈ میں ایک بہت بڑا سانحہ ہوا ہے۔ فوج وہاں اچھا کام کر رہی ہے۔

ریسکیو آپریشن میں مصروف جوان ((ETV Bharat Kerala Desk)

انہوں نے کہا کہ میں سمجھتا ہوں کہ یہ ضروری ہے کہ ہم وائناڈ کے لوگوں کی حمایت کریں اور زیادہ سے زیادہ مدد فراہم کریں۔ میں حکومت سے درخواست کرتا ہوں کہ اس مشکل وقت میں وائناڈ کے لوگوں کی مدد کرے۔ انہوں نے کہا کہ ایسا سانحہ دوسری بار ہوا ہے۔ اس سے پہلے پانچ سال قبل بھی ایسی تباہی آچکی تھی۔ یہ بالکل واضح ہے کہ اس علاقے میں ایک ماحولیاتی مسئلہ ہے۔ اس لیے اس پر غور کیا جانا چاہیے اور جو بھی ہائی ٹیک حل سامنے لایا جا سکتا ہے کرنا چاہیے۔

ریسکیو آپریشن میں مصروف جوان ((ETV Bharat Kerala Desk)

کیرالہ کے وائناڈ ضلع کے میپاڈی کے پہاڑی علاقوں میں مٹی کے تودے گرنے سے مرنے والوں کی تعداد بڑھ کر 249 ہو گئی ہے۔ اس سے پہلے دن میں، مرکزی وزیر داخلہ امیت شاہ نے کہا کہ وائناڈ میں ہونے والے نقصان کو کم کیا جا سکتا تھا اگر کیرالہ حکومت ممکنہ لینڈ سلائیڈنگ اور لوگوں کی زندگیوں کو لاحق خطرے کے بارے میں مرکز کے انتباہات پر چوکنا رہتی۔ وائناڈ میں لینڈ سلائیڈنگ سے متاثرہ چورمالا میں تلاش اور بچاؤ کی کارروائیاں جاری ہیں۔ اس وقت یہاں ہندوستانی فوج، ڈی ایس سی سینٹر، ٹیریٹوریل آرمی، این ڈی آر ایف، ہندوستانی بحریہ اور ہندوستانی فضائیہ کے 1200 سپاہی تعینات ہیں۔