کیو: وزیر اعظم نریندر مودی جنگ کے درمیان آج جمعہ کو یوکرین کے دارالحکومت کیو پہنچے ہیں۔ اطلاعات کے مطابق وہ جنگ کو روکنے کے لیے پرامن حل پر بات کریں گے۔ اس سے قبل وہ پولینڈ کے دو روزہ دورے پر تھے۔ کچھ دیر بعد پی ایم مودی یوکرین کے صدر ولادیمیر زیلینسکی سے ملاقات کریں گے۔ غور طلب ہے کہ مودی صدر زیلینسکی کی دعوت پر یوکرین کے دورے پر ہیں۔
#WATCH | Indian students await the arrival of PM Narendra Modi's arrival in Kyiv, Ukraine
— ANI (@ANI) August 23, 2024
An Indian student says, " we are excited about pm modi's arrival here. the government of india has been helping indian students here since the time of operation ganga."
"we are very excited… pic.twitter.com/fhQClOZ6cX
وزیر اعظم مودی کا کیو کا دورہ ان کے ماسکو کے دورے کے تقریباً چھ ہفتے بعد ہوا ہے، جس پر امریکہ اور بعض مغربی اتحادیوں نے تنقید کی تھی۔ 1991 میں یوکرین کی آزادی کے بعد کسی بھارتی وزیر اعظم کا یوکرین کا یہ پہلا دورہ ہے۔
اپنے یوکرین کے دورے سے قبل پی ایم مودی نے کہا کہ میں صدر زیلینسکی کے ساتھ دو طرفہ تعاون کو مضبوط بنانے اور روس اور یوکرین کے درمیان جاری جنگ کے پرامن حل کے لیے خیالات کا تبادلہ کرنے اور بات چیت کو آگے بڑھانے کے موقع کا منتظر ہوں۔ انہوں نے مزید کہا کہ ایک دوست اور شراکت دار کے طور پر ہم امن اور استحکام کی امید رکھتے ہیں۔ آپ کو بتا دیں کہ وزیر اعظم مودی 'ریل فورس ون' ٹرین سے پولینڈ سے کیو پہنچے، جس میں تقریباً 10 گھنٹے لگے۔ واپسی کا سفر بھی اتنا ہی طویل ہوگا۔
بھارت نے ابھی تک یوکرین پر روسی حملے کی مذمت نہیں کی ہے اور وہ مذاکرات اور سفارت کاری کے ذریعے جنگ کے حل کا مطالبہ کر رہا ہے۔ ساتھ ہی وارسا سے روانہ ہونے سے پہلے مودی نے کہا کہ ان کا پولینڈ کا دورہ خاص رہا ہے۔ ان کا پولینڈ کا دورہ گزشتہ 45 سالوں میں کسی بھارتی وزیر اعظم کا پولینڈ کا پہلا دورہ تھا۔
- بھارتی طلبہ وزیر اعظم مودی کے دورے سے پرجوش:
وزیر اعظم مودی کے یوکرین کے دورے کی وجہ سے وہاں موجود بھارتی طلبہ میں زبردست جوش و خروش دیکھا جارہا ہے۔ یوکرین کے دارالحکومت کیو میں پی ایم مودی کی ایک جھلک دیکھنے کے لیے ہر کوئی بے صبری سے انتظار کر رہا ہے۔ ایک بھارتی طالب علم نے کہا کہ ہم وزیر اعظم مودی کی یہاں آمد پر پرجوش ہیں۔ حکومت ہند آپریشن گنگا کے وقت سے یہاں بھارتی طلبہ کی مدد کر رہی ہے۔ ایک اور طالب علم نے کہا کہ ہم وزیر اعظم مودی سے ملنے کو بہت پرجوش ہیں۔ یہاں ہمیں ان سے ملنے کا موقع ملے گا اور اگر ممکن ہو سکے تو ان سے بات کریں۔
