نئی دہلی: وزیر خارجہ ایس جے شنکر نے پڑوسی ملک پاکستان کو صاف کہہ دیا ہے کہ اس کے ساتھ بات چیت کا مرحلہ اب ختم ہو گیا ہے۔ انہوں نے کہا کہ بھارت پاکستان کے ہر قدم کا جواب اسی کی زبان میں دے گا۔
وزیر خارجہ نے یہ بیان دہلی میں منعقدہ ایک پروگرام کے دوران دیا۔ انہوں نے کہا کہ بعض ہمسایہ ممالک ہمیشہ کے لیے مسئلہ بنے رہتے ہیں۔ وہ کبھی نہیں سدھرتے۔ جے شنکر نے مزید کہا کہ اگر ہم ملک کو کسی بھی کونے سے دیکھیں تو یہ پڑوسی مسئلہ بن جاتے ہیں۔ کچھ مسائل ایسے ہوتے ہیں جو کبھی حل نہیں ہوتے۔ انہوں نے کہا کہ جہاں تک میں محسوس کرتا ہوں یہ پڑوسیوں کی فطرت بن چکی ہے کہ ان سے تعلقات پہلے جیسے نہیں رہتے۔
#WATCH | Speaking on Pakistan at a book launch event in Delhi, External Affairs Minister Dr S Jaishankar says, " the era of uninterrupted dialogue with pakistan is over. actions have consequences. so far as j&k is concerned, article 370 is done. so, the issue is what kind of… pic.twitter.com/41ZSq9VQHs
— ANI (@ANI) August 30, 2024
ہر عمل کا ردعمل ہوتا ہے۔
جے شنکر نے کہا کہ یہ یاد رکھنا چاہئے کہ ہر عمل کا ردعمل ہوتا ہے۔ جہاں تک جموں و کشمیر کا تعلق ہے، آرٹیکل 370 کو بہت پہلے ہٹا دیا گیا ہے۔ پاکستان کو کھلے کانوں سے سننا چاہیے کہ جس زبان میں وہ سمجھے گا اس کا جواب دیا جائے گا۔
وزیر خارجہ جے شنکر نے بنگلہ دیش پر بیان دیا۔ انہوں نے کہا کہ بنگلہ دیش کے ساتھ ہمارے تعلقات جس دن سے قائم ہوئے ہیں اتار چڑھاؤ سے بھرے ہوئے ہیں۔ ہمیں یہ سمجھنا ہوگا کہ وہاں سیاسی تبدیلیاں حال ہی میں ہوئی ہیں۔ آپ کو بتاتے چلیں کہ صرف ایک دن پہلے ہی پاکستان نے بھارتی وزیر اعظم نریندر مودی کو شنگھائی تعاون تنظیم (SCO) کے آئندہ اجلاس کے لیے مدعو کیا ہے۔
