نئی دہلی: حزب اختلاف کی جماعتوں نے مرکزی بجٹ 2024 پر سخت تنقید کی ہے اور الزام لگایا کہ اس میں غیر این ڈی اے پارٹیوں کی حکومت والی ریاستوں کو 'محروم' کیا جا رہا ہے۔ ناراض اپوزیشن جماعتوں نے بدھ کی صبح پارلیمنٹ تک احتجاجی مارچ نکالنے اور پھر ایوان کے اندر مظاہرہ کرنے کا فیصلہ کیا۔ واضح رہے کہ کل بجٹ پیش کیا گیا تھا جس میں این ڈی اے کی اتحاد پارٹیوں کو خوش کرنے کے لئے کئی ایک پروجیکٹ کو منظوری دی گئی تھی اور غیر بی جے پی ریاستوں کو بالکل نظر انداز کردیا گیا۔ اسی بات پر آج ہنگامہ جاری ہے۔
یہ فیصلہ کانگریس صدر ملکارجن کھرگے کی رہائش گاہ پر منعقدہ انڈیا اتحاد پارٹیوں کی میٹنگ کے دوران لیا گیا۔ مختلف اپوزیشن جماعتوں کے رہنما اپنی شکایات پر بات کرنے اور اپنی حکمت عملی بنانے کے لیے جمع ہوئے ہیں۔
اپوزیشن لیڈروں کے مطابق، بجٹ میں وسائل کی غیر منصفانہ تقسیم کی گئی ہے، جو این ڈی اے کی حکمرانی والی ریاستوں کے حق میں ہے جبکہ غیر این ڈی اے کی حکمرانی والی ریاستوں کو نظر انداز کر دیا گیا ہے۔
لوک سبھا کی بزنس ایڈوائزری کمیٹی نے مرکزی بجٹ اور ریلوے، تعلیم، صحت، ایم ایس ایم ای اور فوڈ پروسیسنگ کی وزارتوں سے متعلق مسائل پر بحث کے لیے 20 گھنٹے کا وقت مختص کیا ہے۔ اپوزیشن ارکان نے مختلف امور پر بحث کی درخواست کی ہے جب کہ گرانٹس کے مطالبات پر بحث میں متعلقہ معاملات کو شامل کیا جائے گا۔
پارلیمنٹ میں کانگریس کے رکن پارلیمنٹ اور ایل او پی لوک سبھا راہول گاندھی کا کہنا ہے کہ "ہم نے کسان لیڈروں کو یہاں ملنے کے لیے مدعو کیا تھا۔ لیکن وہ انہیں یہاں (پارلیمنٹ میں) اجازت نہیں دے رہے ہیں۔ کیونکہ وہ کسان ہیں، شاید یہی وجہ ہے کہ وہ انہیں اندر جانے کی اجازت نہیں دی جا رہی ہے۔"
Delhi | Farmer leaders invited by Congress MP & LoP Lok Sabha Rahul Gandhi to meet him in Parliament now allowed inside, to meet him in LoP office in the premises https://t.co/gWL7PTYK6X
— ANI (@ANI) July 24, 2024
مرکزی بجٹ پر، کانگریس کے رکن پارلیمنٹ کارتی چدمبرم کا کہنا ہے کہ، " ہمیں وزیر خزانہ سے توقع تھی کہ وہ ان طلبأ کو ریلیف دیں گی جن طلبأ نے اپنی تعلیم کے لئے قرض لیا تھا، جب کہ انہوں نے کہا ہے کہ وہ نئے طلباء کے قرضے دینے جا رہی ہیں، ان لوگوں کا کیا ہوگا جو پہلے ہی قرض لے چکے ہیں اور واپس کرنے کے قابل نہیں ہیں؟"
#WATCH | Delhi: On the Union Budget, Congress MP Karti Chidambaram says, " ... we were expecting the fm to give relief to those who have taken student loans. while she has said she is going to give new student loans, what about those who already took loans and are unable to pay… pic.twitter.com/CziXvtZFUC
— ANI (@ANI) July 24, 2024
مرکزی بجٹ کے خلاف انڈیا بلاک کے احتجاج پر سماج وادی پارٹی کے رکن پارلیمنٹ رام گوپال یادو کا کہنا ہے کہ ’’اتر پردیش کو کچھ دینے کو بھول جائیں، بجٹ میں یوپی کا نام بھی نہیں لیا گیا۔ حکومت کو بچانے کے لیے، وہ کچھ لوگوں کو فنڈز دے رہے ہیں تاکہ ان کی حکومت بچی رہے باقی ریاستوں کو نظر انداز کردیا گیا ہے۔"
#WATCH | On INDIA bloc protest against Union Budget, Samajwadi Party MP Ram Gopal Yadav says, " forget about giving anything to uttar pradesh, it was not even named (in the budget)...to save the government, they are giving funds to some and ignoring the others." pic.twitter.com/46iN7X9k6C
— ANI (@ANI) July 24, 2024
شیو سینا (یو بی ٹی) کے ایم پی اروند ساونت کا کہنا ہے، "یہ بجٹ 'لاڈلا بہار، لاڈلا آندھرا پردیش اور لاڈلا اوڈیشہ کے لیے ہے۔ آندھرا پردیش نے خصوصی پیکیج کا کہا تھا لیکن ریاست کو 15000 کروڑ روپے دے کر ان کا منہ بند کر دیا گیا، بہار کو بھی اچھا پیکیج دیا گیا باقی کے لوگوں کے لئے کچھ نہیں ہے... "
#WATCH | Shiv Sena (UBT) MP Arvind Sawant says, " this budget is for 'ladla bihar, ladla andhra pradesh and ladla odisha. andhra pradesh had asked for a special package but their mouth was shut by giving rs 15,000 crore to the state..." pic.twitter.com/S7VCFwP2GU
— ANI (@ANI) July 24, 2024
یہ بھی پڑھیں: اب پراپرٹی بیچنے پر دینا ہوگا ٹیکس، بجٹ میں ٹیکس کم کیا گیا لیکن یہ اصول تبدیل کیا گیا
