نئی دہلی: لوک سبھا میں اپوزیشن لیڈر راہل گاندھی نے ہفتہ کو لوک سبھا میں مرکزی حکومت پر سخت حملہ بولا۔ انہوں نے الزام لگایا کہ جس طرح ایکلویہ کا انگوٹھا کاٹا گیا تھا، اسی طرح آج حکومت ملک کے نوجوانوں کا انگوٹھا کاٹ رہی ہے۔
آئین کے 75 سال کے شاندار سفر پر بحث کے دوران راہل گاندھی نے کہا کہ جب آپ دھاراوی پراجیکٹ، بندرگاہ اور ہوائی اڈہ کسی صنعتکار کو دیتے ہیں تو آپ ملک کا انگوٹھا کاٹ رہے ہوتے ہیں۔ انہوں نے دعویٰ کیا کہ ونائک دامودر ساورکر نے آئین کے بارے میں کہا تھا کہ اس میں بھارتی کچھ نہیں ہے۔
एकलव्य जब द्रोणाचार्य के पास गए तो उन्होंने कहा कि मैं वर्षों से धनुष चलाना सीख रहा हूं। आप मेरे गुरू बनिए।
— Congress (@INCIndia) December 14, 2024
द्रोणाचार्य ने एकलव्य से कहा कि आप ऊंची जाति से नहीं हैं, इसलिए मैं आपका गुरू नहीं बनूंगा।
कुछ समय बाद... द्रोणाचार्य और पांडव जंगल से गुजर रहे थे, जहां एक कुत्ता भौंक… pic.twitter.com/USdnu2S5GH
راہل گاندھی کا آئین اور ساورکر پر تبصرہ:
کانگریس لیڈر راہل گاندھی نے حکمراں پارٹی پر نشانہ لگاتے ہوئے کہا کہ جب آپ آئین کی حفاظت کی بات کرتے ہیں تو ساورکر کی توہین کرتے ہیں۔ کانگریس لیڈر نے کہا کہ ساورکر، جنہیں بی جے پی اور آر ایس ایس کے نظریے کے طور پر دیکھا جاتا ہے، نے کہا تھا کہ آئین میں کچھ بھی بھارتی نہیں ہے، اور انہوں نے اس کے بجائے ہندو مذہبی متن 'منوسمرتی' کو ترجیح دی۔ راہل گاندھی نے کہا، "آئین جدید بھارت کا ایک دستاویز ہے، لیکن یہ قدیم بھارت اور اس کے نظریات کے بغیر کبھی نہیں لکھا جا سکتا تھا۔"
ذات پات کی مردم شماری اور ریزرویشن پر وعدہ:
راہل گاندھی نے کہا کہ ہم ملک میں ذات پات کی مردم شماری کرائیں گے۔ انہوں نے کہا کہ اس کے ذریعے دکھانا چاہتے ہیں کہ آپ نے کس کس کا انگوٹھا کاٹا ہے۔ ہم ریزرویشن کی حد کی 50 فیصد دیوار کو بھی گرا دیں گے۔
जैसे एकलव्य ने तैयारी की थी, वैसे ही हिंदुस्तान के युवा सुबह उठकर अलग-अलग परीक्षा की तैयारी करते हैं।
— Congress (@INCIndia) December 14, 2024
लेकिन जब आपने अग्निवीर लागू किया, तब आपने उन युवाओं की उंगली काटी।
जब पेपरलीक होता है, तब आप हिंदुस्तान के युवाओं का अंगूठा काटते हैं।
आज आपने दिल्ली के बाहर किसानों पर… pic.twitter.com/vQ7bmC26Bv
پیپر لیک اور بے روزگاری کا مسئلہ اٹھایا:
راہل گاندھی نے پیپر لیک، بے روزگاری اور اگنیور یوجنا سے متعلق مرکزی حکومت کی پالیسیوں پر تنقید کی۔ انہوں نے کہا، "جب آپ پیپر لیک کرتے ہیں اور نوجوانوں کو روزگار کے مواقع سے محروم کرتے ہیں، تو یہ اسی قسم کا حملہ ہے جو ایکلویہ پر کیا گیا تھا۔"
انہوں نے اگنیور یوجنا کو نوجوانوں کے مستقبل کے لیے نقصان دہ قرار دیتے ہوئے کہا کہ یہ پالیسی نوجوانوں کے خوابوں کو چکنا چور کرنے کا کام کر رہی ہے۔ راہل گاندھی نے مزید کہا کہ "آئین میں کہیں بھی یہ نہیں لکھا ہے کہ ملک میں نوجوانوں کے پیپر لیک کیے جائیں گے، ان کے مواقع چھین لیے جائیں گے، اور اجارہ داری کو فروغ دیا جائے گا۔"
اتر پردیش حکومت پر حملہ بولا:
راہل گاندھی نے اپنی تقریر میں ہاتھرس اجتماعی عصمت دری معاملے کو لے کر اتر پردیش حکومت پر سخت حملہ کیا۔ انہوں نے کہا کہ جب وہ متاثرہ خاندان سے ان کے گھر ملنے گئے تو انہیں بتایا گیا کہ ملزمان آزاد گھوم رہے ہیں اور متاثرہ خاندان گھر میں بند ہے۔ راہل نے سوال اٹھایا کہ کیا اتر پردیش میں منوسمرتی لاگو ہے، کیا یہاں ہندوستانی آئین نہیں ہے۔ انہوں نے کہا کہ منوسمرتی نے خواتین کے خلاف امتیازی سلوک اور ناانصافی کے بارے میں لکھا ہے جو موجودہ حکومت کی پالیسیوں سے میل کھاتا ہے۔
راہل گاندھی نے الزام لگایا کہ متاثرہ خاندان کو دھمکیاں دی جارہی ہیں اور انہیں انصاف ملنے کا کوئی راستہ نظر نہیں آرہا ہے۔ انہوں نے کہا کہ اگر حکومت متاثرہ خاندان کو انصاف فراہم نہیں کرتی ہے تو انڈیا الائنس اس معاملے میں آگے بڑھے گا اور انصاف کے حصول کی آخری کوشش کرے گا۔
