کولکاتا: سی بی آئی، جو کولکاتا کے آر جی کر میڈیکل کالج اور اسپتال میں ایک ٹرینی ڈاکٹر کی عصمت دری اور قتل کیس کی تحقیقات کر رہی ہے، نے سنیچر کو کالج کے سابق پرنسپل سندیپ گھوش اور تالا پولیس اسٹیشن کے انچارج ابھیجیت منڈل کو گرفتار کرلیا۔
ذرائع کے مطابق سابق پرنسپل سندیپ گھوش اور ایک پولیس افسر کو ایف آئی آر درج کرنے میں مبینہ تاخیر اور عصمت دری-قتل کیس میں ثبوتوں کو مٹانے کرنے کے الزام میں گرفتار کیا ہے۔ اس سے پہلے سندیپ گھوش کو سی بی آئی نے مالی بے ضابطگیوں کے معاملے میں گرفتار کیا تھا۔ گھوش 23 ستمبر تک عدالتی حراست میں ہیں۔
In the Kolkata's RG Kar Medical College rape-murder case of a trainee doctor, the former principal of the college Sandip Ghosh and Abhijit Mondal, officer-in-charge of Tala police station have been arrested by CBI: Sources
— ANI (@ANI) September 14, 2024
Earlier Sandip Ghosh was arrested in a financial… pic.twitter.com/mElXvdZSze
گھوش کی گرفتاری پر ایک جونیئر ڈاکٹر نے کہا کہ ہم ثبوت کے ساتھ چھیڑ چھاڑ میں ملوث ہونے پر کالج کے سابق پرنسپل سندیپ گھوش اور تالا پولیس اسٹیشن کے انچارج ابھیجیت منڈل کی گرفتاری کا مطالبہ کر رہے تھے۔ ہم ان کی گرفتاریسے بہت خوش ہیں۔ سی بی آئی کو ثبوتوں کے ساتھ چھیڑ چھاڑ کرنے والوں کو بھی گرفتار کرنا چاہیے۔
ممتا بنرجی اور ڈاکٹروں کی دوسری میٹنگ بھی ناکام
دوسری جانب مغربی بنگال کی وزیر اعلیٰ ممتا بنرجی اور جونیئر ڈاکٹروں کے درمیان دوسری ملاقات بے نتیجہ رہی۔ جونیئر ڈاکٹروں کا ایک وفد ہفتہ کی شام وزیر اعلیٰ سے ان کی رہائش گاہ پر ملنے آیا۔ جونیئر ڈاکٹروں نے میٹنگ کی لائیو سٹریمنگ کا مطالبہ کیا۔ سی ایم ممتا نے کہا کہ لائیو سٹریمنگ کی اجازت نہیں دی جا سکتی کیونکہ معاملہ عدالت میں زیر غور ہے۔
#WATCH | West Bengal: Abhijit Mondal, officer-in-charge of Tala police station taken for medical test
— ANI (@ANI) September 14, 2024
Abhijit Mondal and ex-principle Sandip Ghosh were arrested by the CBI in Kolkata's RG Kar Medical College rape-murder case of a trainee doctor pic.twitter.com/jrakg9kKxL
سی ایم بنرجی نے اپنی رہائش گاہ کے دروازے پر کھڑے جونیئر ڈاکٹروں سے بات کرتے ہوئے کہا کہ آپ سب دو گھنٹے سے بارش میں کھڑے ہیں۔ میں آپ سب کا انتظار کر رہی ہوں۔ سپریم کورٹ میں کیس چل رہا ہے۔ اس لیے ہم لائیو سٹریمنگ نہیں کر رہے ہیں۔" میں آپ کو یقین دلاتی ہوں کہ جو بھی ریکارڈنگ ہوگی، وہ آپ کو دے دی جائے گی۔ میری درخواست قبول کریں اور اگر آپ میٹنگ میں نہیں آنا چاہتے تو اندر آ کر چائے پی لیں۔۔۔ ہم میٹنگ کے منٹس تیار کر کے آپ کو دیں گے۔ ریکارڈنگ بعد میں دے دی جائے گی۔"
#WATCH | Kolkata, West Bengal: The delegation of junior doctors who went to meet West Bengal Chief Minister Mamata Banerjee at her residence has demanded live streaming of the meeting. The meeting has not started yet.
— ANI (@ANI) September 14, 2024
Chief Minister Mamata Banerjee speaks with the junior doctors… https://t.co/xAH5Qji43N pic.twitter.com/0ebIVxSqFO
آپ میٹنگ کی قدر نہیں کر رہے ہیں
اسی کے ساتھ انہوں نے کہا کہ ، "آپ میٹنگ کی قدر نہیں کر رہے ہیں، اگر آپ میٹنگ نہیں کرنا چاہتے تو آپ نے مجھے کیوں لکھا؟ میں نے بھی بہت سے احتجاج کیے ہیں۔ میں احتجاج کو وقار دینا چاہتی ہوں۔ میں تفصیلات پر دستخط کروں گی۔ بعد میں سپریم کورٹ کی اجازت سے ویڈیو آپ کو سونپ دوں گی۔"
#WATCH | RG Kar Medical College and Hospital rape-murder case: The delegation of junior doctors who went to meet West Bengal Chief Minister Mamata Banerjee leaves from her residence in Kolkata after the meeting between them and the CM failed for the second time.
— ANI (@ANI) September 14, 2024
Junior doctors… pic.twitter.com/5XTZCET9PA
وہیں ڈاکٹروں کے نمائندہ وفد میں شامل جونیئر ڈاکٹر ارنب مکھرجی نے کہا کہ ہم نے میٹنگ کی لائیو اسٹریمنگ کے لیے اپیل کی تھی۔ چیف سکریٹری نے کہا کہ لائیو اسٹریمینگ ممکن نہیں ہے، کیوں کہ یہ سی ایم کی رہائش گاہ ہے۔ ہم نے چیف سکریٹری سے کہا کہ ہم لائیو اسٹریمنگ چاہتے ہیں تاکہ شفافیت بنی رہے۔ ہم نے یہ بھی کہا کہ ہمارے ویڈیو گرافر میٹنگ کو ریکارڈ کرنا چاہتے ہیں لیکن وہاں سی ایم کے سکیورٹی اہلکار ویڈیو شوٹ کر رہے تھے اور انہوں نے کہا کہ یہ حفاظتی وجوہات کی بنا پر کیا جا رہا ہے۔
