نئی دہلی: قومی اہلیت-کم-داخلہ ٹیسٹ (NEET) - UG 2024 امتحان پر جاری تنازعہ کے درمیان کانگریس کے قومی صدر ملکارجن کھرگے نے مرکزی حکومت پر تنقید کرتے ہوئے دعویٰ کیا کہ بی جے پی-آر ایس ایس انتظامیہ پورے تعلیمی نظام کو اپنے کنٹرول میں لے کر ایک "تعلیمی مافیا" کو فروغ دیا ہے۔ کھرگے نے NEET-UG کے دوبارہ امتحان کے مطالبہ کو بھی دہرایا۔
سوشل میڈیا پلیٹ فارم ایکس پر کھرگے نے لکھا ہے کہ "مودی حکومت نے معزز سپریم کورٹ کو بتایا ہے کہ NEET-UG میں کوئی پرچہ لیک نہیں ہوا ہے! یہ کھلا جھوٹ لاکھوں نوجوانوں سے بولا جا رہا ہے۔ ان کا مستقبل برباد کیا جا رہا ہے۔ وزارت تعلیم نے کہا ہے کہ 'بے ضابطگیاں/دھوکہ دہی صرف چند جگہوں پر ہوئی ہے۔' یہ گمراہ کن ہے بی جے پی-آر ایس ایس نے پورے تعلیمی نظام کو اپنے کنٹرول میں لے کر تعلیمی مافیا کو فروغ دیا ہے۔
मोदी सरकार ने माननीय सुप्रीम कोर्ट को बताया है कि NEET-UG में कोई पेपर लीक नहीं हुआ है !
— Mallikarjun Kharge (@kharge) July 6, 2024
लाखों युवाओं से ये सफ़ेद झूठ बोला जा रहा है। उनके भविष्य को बर्बाद किया जा रहा है।
शिक्षा मंत्रालय ने कहा है कि “केवल कुछ जगहों पर अनियमितताएं/चीटिंग हुई हैं” — ये गुमराह करने वाली बात… pic.twitter.com/HNQYvHjpDx
انہوں نے مزید دعویٰ کیا کہ نریندر مودی کی قیادت والی حکومت "ہمارے تعلیمی نظام کو تباہ کرنے پر تلی ہوئی ہے۔" کھرگے نے مزید کہا کہ "چاہے این سی ای آر ٹی کی کتابیں ہو یا امتحانات میں لیک ہونا، مودی حکومت ہمارے تعلیمی نظام کو تباہ کرنے پر تلی ہوئی ہے۔ ہم اپنے مطالبے کو دہراتے ہیں کہ: 1) NEET-UG دوبارہ کرایا جائے۔ اسے شفاف طریقے سے آن لائن کرایا جائے۔ 2) سبھی پیپر لیک سکینڈل کی سپریم کورٹ کی نگرانی میں مکمل تحقیقات کرائی جائے اور قصورواروں کے خلاف سخت کارروائی کی جائے۔ کھرگے نے مزید کہا کہ ’’مودی حکومت اپنی بداعمالیوں سے بچ نہیں سکتی‘‘۔
مرکزی حکومت نے سپریم کورٹ کو بتایا ہے کہ NEET-UG 2024 کے امتحان میں بڑے پیمانے پر رازداری کی خلاف ورزی کے ثبوت نہ ہونے پر پورے امتحان کو ختم کرنا معقول نہیں ہوگا۔ وزارت تعلیم نے کہا کہ 5 مئی کو منعقد ہونے والے NEET-UG امتحان کو مکمل طور پر ختم کرنا ان لاکھوں ایماندار امیدواروں کو "سنگین طور پر خطرے میں ڈالے گا" جنہوں نے 2024 میں سوالیہ پرچہ دینے کی کوشش کی تھی۔
مرکز نے سپریم کورٹ کے سامنے زیر التواء درخواستوں کے بیچ پر ایک حلف نامہ داخل کیا ہے جس میں NEET-UG 2024 کے نتائج کو پھر سے جاری کرنے اور امتحان کو نئے سرے سے منعقد کرنے کی ہدایت کی درخواست کی گئی ہے، جس میں امتحان میں پیپر لیک ہونے اور بدعنوانی کا الزام لگایا گیا ہے۔ سپریم کورٹ نے پہلے ہی NEET-UG 2024 کی کونسلنگ پر روک لگانے سے انکار کر دیا تھا۔ سپریم کورٹ 8 جولائی کو نیت سے متعلق تمام مقدمات کی سماعت کرے گی۔
واضح رہے کہ ملک بھر میں مختلف امتحانات بالخصوص نیٹ کے پیپر لیک ہونے پر اپوزیشن پارٹیوں کے مختلف رہنما مودی حکومت پر سخت نکتہ چینی کررہے ہیں۔ لوک سبھا میں لیڈر آف اپوزیشن راہل گاندھی نے ایوان میں نیٹ کے معاملے پر سخت نکتہ چینی کی تھی۔
