بنگلورو: کرناٹک کے ہاسن سے رکن پارلیمنٹ اور بی جے پی-جے ڈی (ایس) اتحاد کے لوک سبھا انتخابی امیدوار پرجول ریونا، جو کئی خواتین کے ساتھ مبینہ جنسی استحصال کے معاملے میں انکوائری کا سامنا کر رہے ہیں، نے بدھ کو کہا کہ "سچائی کی جیت ہوگی اور خصوصی تفتیشی ٹیم (SIT) کے سامنے پیش ہونے کے لیے ایک ہفتے کا وقت مانگا۔
اپنے حلقہ میں انتخاب ختم ہوتے ہی ملک چھوڑنے والے ایم پی ریونا نے کہا کہ انہیں کرناٹک حکومت کی طرف سے بنائی گئی خصوصی تحقیقاتی ٹیم (ایس آئی ٹی) کے سامنے پیش ہونے کے لیے سات دن کا وقت درکار ہے تاکہ تقریباً 3000 ویڈیوز کے بڑے ذخیرے ماور بینہ طور پر ان سے متعلق تصاویر، جو سوشل میڈیا پر وائرل ہو چکی ہیں، کی انکوائری کی جا سکے۔
سابق وزیر اعظم اور جے ڈی (ایس) کے سرپرست ایچ ڈی دیوے گوڑا کے پوتے پراجول نے ایکس پر ایک پوسٹ میں کہا کہ "میں تفتیش میں شامل ہونے کے لیے بنگلور میں نہیں ہوں، اس لیے میں نے اپنے وکیل کے ذریعے سی آئی ڈی بنگلور سے بات کی ہے۔ سچ کی جیت ہوگی"۔ قابل ذکر ہے کہ ایس آئی ٹی نے اس سے قبل ریونا کو 24 گھنٹے کے اندر تفتیش میں شامل ہونے کے لیے نوٹس جاری کیا تھا۔
واضح رہے کہ ایم ایل اے اور سابق وزیر ایچ ڈی ریونا اور ان کے بیٹے پرجول کے خلاف ہولیناراسی پورہ میں ان کے سابق باورچی اور رشتہ دار کی طرف سے مبینہ طور پر جنسی طور پر ہراساں کرنے کے الزام میں درج کرائی گئی شکایت پر مقدمہ درج کیا گیا ہے۔ انھوں نے یہ بھی الزام لگایا کہ پراجول نے ان کی بیٹی کو ویڈیو کال کی اور قابل اعتراض انداز میں بات کی، جس کی وجہ سے اسے بلاک کرنا پڑا۔
جے ڈی (ایس) کے ٹکٹ پر ہاسن سے دوبارہ انتخاب لڑ رہے پراجول، نے اپنے وکیل ارون جی کے ذریعہ ایس آئی ٹی کے ڈپٹی سپرنٹنڈنٹ آف پولیس کو ایک خط شیئر کیا، جس میں انہوں نے عہدیدار کے سامنے پیش ہونے کے لئے سات دن کا وقت مانگا ہے۔
