حیدرآباد (نیوز ڈیسک): عالمی شہریت یافتہ تعلیمی اداہ جامعہ ملیہ اسلامیہ نے انڈرگریجویٹ اور پوسٹ گریجویٹ کورسز میں پرائیویٹ داخلے لیے فارمس جاری کر دیے ہیں۔ کنٹرولر دفتر برائے امتحانات کی جانب سے جاری کی گئی نوٹس میں فارم جمع کرنے کی آخری تاریخ 15 جولائی بتائی گئی ہے۔
تفصیلات کے مطابق اس بار پرائیویٹ امیدوار جامعہ کے صرف تین کورسز میں بی اے (آنرز)/ ایم اے عربی، بی اے (آنرز)/ ایم اے فارسی اور بی اے (آنرز)/ ایم اے اکنامکس میں ہی داخلہ لے سکتے ہیں۔
ان کورسز میں داخلہ لینے کے خواہشمند امیدواروں کو درخواست فارم آن لائن موڈ کے ذریعے جمع کرانا ہوگا۔ چونکہ فارم بھرنے اور جمع کرنے کا پروسس تھوڑا پیچیدہ ہے، اس لیے اس کام میں سائبر کیفے کی مدد لی جا سکتی ہے۔ امیدواروں کو امتحانی فارم کی ہارڈ کاپیاں متعلقہ دستاویزات کے ساتھ آن لائن جمع کرانے کے فوراً بعد، کاؤنٹر نمبر-1، دفتر کنٹرولر آف ایگزامینیشن، جے ایم آئی پر بھی جمع کرنے کی ضرورت ہوگی۔ ایسا نہ کرنے کی صورت میں ان کے داخلہ فارم پر غور نہیں کیا جائے گا۔
خواہش مند امیدواروں کو ایک بات خاص طور سے دھیان میں رکھنے کی ضرورت ہے کہ جامعہ کے پرائیویٹ کورسز کے امتحانات میں تقریباً 20 دن کا وقت لگتا ہے اور اس کے لیے انہیں دہلی میں قیام کرنا پڑے گا۔ اس لیے فارم بھرتے وقت اس بات کا خیال رکھیں کہ جامعہ ملیہ کے پرائیویٹ کورسز کا پورا پروسس مولانا آزاد نیشنل اردو یونیورسٹی کے پرائیویٹ کورسز سے کافی مختلف ہے۔
