ٹونک: کانگریس لیڈر سچن پائلٹ نے منگل کو کٹھوعہ عسکریت پسندانہ حملے کی مذمت کی جس میں فوج کے پانچ جوانوں کی جان گئی اور جموں و کشمیر میں ہونے والے عسکریت پسندانہ حملوں پر مرکزی حکومت سے وضاحت طلب کی۔ سچن پائلٹ نے میڈیا سے بات کرتے ہوئے کہا کہ "عسکریت پسندانہ حملے مسلسل بڑھ رہے ہیں... حکومت کا دعویٰ ہے کہ جموں و کشمیر میں حالات معمول پر ہیں، لیکن اگر ہمارے فوجی عسکریت پسندانہ حملوں میں اپنی جانیں گنوا رہے ہیں، تو حکومت کو اس کی وضاحت کرنی ہوگی"۔
#WATCH | Kathua Terror Attack | Congress leader Sachin Pilot says, " the terrorist attacks are continuously increasing...in parliament, the government claims that the situation in j&k is normal. but if our soldiers are losing their lives in terrorist attacks, the government will… pic.twitter.com/rWEk3ZY9hH
— ANI (@ANI) July 9, 2024
जम्मू-कश्मीर के कठुआ जिले में भारतीय सेना के वाहन पर हुए कायराना आतंकी हमले की मैं कड़े शब्दों में निंदा करता हूँ।
— Sachin Pilot (@SachinPilot) July 8, 2024
इस हमले में शहीद हुए वीर सपूतों को भावभीनी श्रद्धांजलि अर्पित करता हूँ।
मैं घायल जवानों के शीघ्र स्वास्थ्य लाभ की कामना करता हूँ।
جموں و کشمیر کے کٹھوعہ ضلع میں 8 جولائی کو عسکریت پسندوں کے گھات لگا کر کیے گئے حملے میں فوج کے پانچ جوان ہلاک اور کچھ زخمی ہو گئے تھے۔ دریں اثناء حملے کے بعد جموں سری نگر قومی شاہراہ پر سیکورٹی سخت کر دی گئی ہے۔ حملے کے بعد سنٹرل انڈسٹریل سیکورٹی فورس (سی آئی ایس ایف)، سینٹرل ریزرو پولیس فورس (سی آر پی ایف)، اور جموں و کشمیر پولیس کے اہلکاروں کو ادھم پور میں قومی شاہراہ پر تعینات کیا گیا ہے۔
یہ اقدام اس وقت اٹھایا گیا جب منگل کی صبح امرناتھ یاترا کے یاتریوں کا 11 واں کھیپ ادھم پور سے گزرا۔ سیکورٹی فورسز کی جانب سے زائرین کی حفاظت کو یقینی بنانے کے لیے کثیر سطحی حفاظتی انتظامات کیے گئے ہیں۔ واضح رہے کہ 9 جون سے ریاسی، کٹھوعہ اور ڈوڈہ میں چار مقامات پر عسکریت پسندوں کے حملے ہوئے ہیں جن میں نو یاتری اور سینٹرل ریزرو پولیس فورس (سی آر پی ایف) کا ایک جوان مارا گیا تھا۔ جبکہ ایک شہری اور کم از کم سات سیکورٹی اہلکار زخمی بھی ہوئے۔
قبل ازیں مرکزی وزیر داخلہ امیت شاہ نے جموں و کشمیر میں سیکورٹی کے منظر نامے پر ایک جائزہ میٹنگ کی صدارت کی اور تمام سیکورٹی ایجنسیوں کو ہدایت دی کہ وہ "مشن موڈ میں کام کریں اور مربوط انداز میں فوری ردعمل کو یقینی بنائیں"۔
जम्मू-कश्मीर के कठुआ में भारतीय सेना के वाहन पर हुए आतंकी हमले का समाचार अत्यंत दुखद है।
— Rahul Gandhi (@RahulGandhi) July 8, 2024
मातृभूमि के लिए अपना सर्वोच्च न्योछावर करने वाले शहीदों को भावपूर्ण श्रद्धांजलि अर्पित करते हुए शोक संतप्त परिजनों को अपनी गहन संवेदनाएं व्यक्त करता हूं। घायल जवानों के शीघ्र से शीघ्र…
قبل ازیں گذشتہ روز کانگریس کے رکن پارلیمنٹ اور لوک سبھا میں لیڈر آف اپوزیشن راہل گاندھی نے جموں و کشمیر کے کٹھوعہ ضلع میں عسکریت پسندوں کے ساتھ تصادم میں پانچ فوجیوں کی ہلاکت پر افسوس کا اظہار کیا۔ ایکس پر ایک پوسٹ میں راہل گاندھی نے کہا کہ ان حملوں کا حل کھوکھلی تقریروں اور جھوٹے وعدوں سے نہیں بلکہ مضبوط کارروائی سے نکلے گا۔ راہل نے ایکس پر لکھا کہ جموں و کشمیر کے کٹھوعہ میں بھارتی فوج کی گاڑی پر عسکریت پسندانہ حملے کی خبر انتہائی افسوسناک ہے۔ مادر وطن کے لیے عظیم قربانی دینے والے شہداء کو دلی خراج عقیدت پیش کرتے ہوئے، میں سوگوار خاندانوں سے دلی تعزیت کا اظہار کرتا ہوں۔
