ہلدوانی تشدد میں مطلوبہ ایاز سمیت چار مشتبہ ملزمین گرفتار

ہلدوانی بنبھول پورہ تشدد کے بعد پولیس شرپسندوں کی شناخت کر رہی ہے اور انہیں گرفتار کر رہی ہے۔ اس سلسلے میں پولیس نے ایاز احمد سمیت چار مشتبہ شرپسندوں کو گرفتار کر لیا ہے۔

ہلدوانی: 8 فروری کو ہلدوانی کے بنبھول پورہ میں ہوئے تشدد میں پولیس نے ایاز احمد سمیت چار مشتبہ شرپسندوں کو گرفتار کیا ہے۔ تشدد کے مشتبہ اہم ملزم عبدالملک سمیت تین شرپسندوں کی تلاش تاحال جاری ہے۔ ہلدوانی پولیس اب تک 78 شرپسندوں کو سلاخوں کے پیچھے ڈال چکی ہے۔ ایس ایس پی پرہلاد نارائن مینا نے بتایا کہ مفرور ایاز احمد ولد حافظ شکیل ساکن وارڈ نمبر 26 کو تشدد کے 15ویں دن گرفتار کر لیا گیا ہے۔ پولیس نے ایاز کے خلاف بھی جائیداد کو قرق کرنے کی کارروائی کی ہے۔

اس کے علاوہ پولیس نے تھانہ بنبھول پورہ میں آتشزنی اور تشدد بھڑکانے کے مشتبہ ملزم محمد سمیر ولد چاند ساکنہ وارڈ نمبر 31، وارڈ نمبر 32 کے رہائشی جاوید قریشی اور محمد فیروز ولد احمد ساکنہ کو گرفتار کیا ہے۔ محمدی چوک میں میونسپل کارپوریشن نے تشدد کا مقدمہ درج کر کے رضا کو گرفتار کر لیا ہے۔ ایس ایس پی پرہلاد نارائن مینا نے بتایا کہ مطلوب عبدالملک، عبدالمعید اور رئیس عرف دتو کے خلاف چھاپے مارے جارہے ہیں۔ ایس ایس پی نے کہا کہ پولیس نے پہلے ہی تقریباً 5000 نامعلوم شرپسندوں کے خلاف مقدمہ درج کر لیا ہے۔ سی سی ٹی وی ویڈیوز اور تصاویر کی بنیاد پر تشدد کے دیگر ملزمان کی تلاش جاری ہے۔ تشدد میں کئی خواتین بھی ملوث تھیں جن کی تلاش جاری ہے۔ خواتین کی گرفتاری کے لیے ٹیم بھی تعینات کر دی گئی ہے۔