نئی دہلی: پارلیمنٹ کا سرمائی اجلاس 25 نومبر 2024 سے جاری ہے۔ اجلاس کے آغاز سے ہی لوک سبھا اور راجیہ سبھا میں سنبھل تشدد، اڈانی رشوت ستانی معاملہ سمیت دیگر کئی اہم ایشوز پر اپوزیشن کا ہنگامہ جاری ہے۔ اب تک ایوان کی کارروائی ایک دن کے لیے بھی خوش اسلوبی سے نہیں چل سکی۔
آج جمعہ کو پارلیمنٹ کے سرمائی اجلاس کا 14 واں دن ہے۔ آج جمعہ اور ہفتہ 14 دسمبر کو یوم آئین پر بحث ہوگی۔ ایوان کی کارروائی 11 بجے شروع ہوگی۔ معلومات کے مطابق وقفہ سوال کا وقت دوپہر 11 سے 12 بجے تک مقرر کیا گیا ہے۔ اس کے بعد بحث شروع ہو گی۔ وزیر دفاع راج ناتھ سنگھ حکمراں پارٹی کی طرف سے بحث کا آغاز کریں گے۔ اس کے بعد این ڈی اے لیڈران اور مرکزی وزراء ایچ ڈی کمارسوامی، شری کانت شندے، انوپریہ پٹیل، راجیو سنجن سنگھ، راجکمار سنگوان بھی خطاب کریں گے۔ اس کے بعد تمام ارکان پارلیمان اس بحث میں حصہ لیں گے۔
آئین کے 75 سال مکمل ہونے پر یوم آئین پر ہونے جا رہی بحث میں اپوزیشن کے کئی بڑے لیڈران حصہ لیں گے۔ اس موقع پر بڑی جماعتوں کے قائدین شرکت کریں گے اور اپنے خیالات پیش کریں گے۔ ذرائع کے مطابق وائناڈ سے کانگریس کی رکن پارلیمنٹ پرینکا گاندھی آج پہلی بار لوک سبھا میں بولیں گی۔ کانگریس ذرائع نے انکشاف کیا ہے کہ وہ اپوزیشن کی جانب سے بحث شروع کر سکتی ہیں۔
پی ایم مودی ہفتہ، 14 دسمبر کو آئین کے 75 سال مکمل ہونے پر ہونے والی بحث کا جواب دیں گے۔
یہ بھی پڑھیں:
