نئی دہلی: دارلحکومت کے وکاس پوری علاقے سے ایک حیران کن معاملہ سامنے آیا ہے۔ بدھ کو ایک نابالغ ہاتھ میں پلاسٹک کا ڈبہ لے کر بینک میں داخل ہوا، اس نے بینک ملازم سے رقم کا مطالبہ کیا۔ کہا کہ پیسے نہ دیئے تو میرے ہاتھ میں بم ہے جس سے سب کو اڑا دوں گا۔ لڑکے کے ہاتھ میں ریموٹ بھی تھا جسے وہ بم کا ریموٹ کہہ رہا تھا۔
جیسے ہی یہ لڑکا ایکسس بینک میں داخل ہوا وہاں افراتفری مچ گئی۔ ڈاکو نے اپنے ہاتھ میں موجود پلاسٹک کی چیز کو دھماکہ خیز قرار دیا اور ہاتھ میں پرچی پکڑی ہوئی تھی جس میں رقم کا مطالبہ کیا گیا تھا۔ ملزم نے کہا کہ اگر اس کا مطالبہ پورا نہ کیا گیا تو وہ پورا بینک اڑا دے گا۔ اس کے ہاتھ میں پلاسٹک کا ریموٹ بھی تھا۔ عینی شاہدین کے مطابق ملزم نے بینک ملازم سے 10 لاکھ روپے کا مطالبہ کیا تھا۔ اس کے ہاتھ میں ریموٹ تھا جسے وہ بار بار بم کو ریموٹ کہہ رہا تھا۔ اس دوران حالات کو دیکھتے ہوئے ایک بینک ملازم نے پولیس کو بلایا، جس کے بعد وکاسپوری تھانے کی پولیس ٹیم موقع پر پہنچ گئی۔
پولیس نے کہا مغربی ضلع کے ڈی سی پی وچیتر ویر سے موصولہ اطلاع کے مطابق، یہ واقعہ منگل کی رات تقریباً 8 بجے پیش آیا، جب ایک نوجوان وکاسپوری پی وی آر کے قریب واقع ایکسس بینک کے اندر گھس آیا اور اس کے ساتھ پلاسٹک کا ایک ڈبہ لے کر گیا۔ وہاں ایک نوٹ لکھا ہوا تھا جس میں رقم کا مطالبہ کیا گیا تھا اور اس میں لکھا تھا کہ اگر رقم نہ ملی تو بینک کو بم سے اڑا دیا جائے گا۔ اس کے ہاتھ میں ایک ریموٹ تھا جو لگ رہا تھا کہ یہ ٹی وی کا ریمونٹ ہے۔
مزید پڑھیں: جھارکھنڈ میں ٹرین حادثہ: مال گاڑی دو حصوں میں تقسیم، حادثے میں دو بوگیاں الٹ گئیں
واقعے کے بعد پولیس نے اس کے والد کو بلایا اور ان سے پوچھ گچھ کی جارہی ہے۔ اس کے علاوہ نابالغ سے بھی پوچھ گچھ کی جارہی ہے کہ اسے یہ خیال کہاں سے آیا اور اس نے ایسا کام کیوں کیا۔
