نئی دہلی: دہلی کے وزیر اعلی اروند کیجریوال کا جیل سے باہر نکلنے کا راستہ آسان نظر نہیں آرہا ہے۔ ایسے میں ان کی اہلیہ سنیتا کیجریوال نے پارٹی میں انتخابی مہم کی ذمہ داری سنبھال لی ہے۔ اروند کیجریوال کی غیر موجودگی میں سنیتا کیجریوال عاپ کی ریلیوں کا اہم چہرہ بن رہی ہیں۔
سنیتا کیجریوال لوگوں کے درمیان جا کر بتا رہی ہیں کہ ان کے شوہر اروند کیجریوال کو 'سازش کے تحت' جیل میں ڈالا گیا ہے۔ اس سلسلے میں سنیتا کیجریوال 27 اپریل یعنی ہفتہ کو ایک روڈ شو 'جیل کا جواب ووٹ سے' کریں گی۔
سنیتا کیجریوال اس میگا روڈ شو کے ذریعے آپ کی انتخابی مہم شروع کریں گی۔ اس لیے سب کی نظریں اس روڈ شو پر لگی ہوئی ہیں۔
سنیتا کیجریوال 27 اپریل بروز ہفتہ مشرقی دہلی لوک سبھا حلقہ میں روڈ شو کریں گی۔ مشرقی دہلی سے عام آدمی پارٹی نے اپنے تیز ترار لیڈر کلدیپ کمار کو لوک سبھا کا ٹکٹ دیا ہے۔ سنیتا کیجریوال کلدیپ کمار کے حق میں ووٹ کی اپیل کریں گی۔
آپ کو بتا دیں کہ اروند کیجریوال کی گرفتاری کے بعد کلدیپ کمار لگاتار بی جے پی اور مرکزی حکومت پر حملہ کرتے دکھائی دے رہے ہیں۔ حال ہی میں کلدیپ کمار کو اروند کیجریوال کی حمایت میں کئی ریلیوں اور کینڈل مارچ کی قیادت کرتے ہوئے بھی دیکھا گیا ہے۔ سنیتا کیجریوال آپ کے تمام امیدواروں کے حق میں مہم چلائیں گی۔
دہلی حکومت کی وزیر آتشی نے ایک پریس کانفرنس میں کہا کہ "اروند کیجریوال کی اہلیہ سنیتا کیجریوال بی جے پی اور ای ڈی کے ذریعہ اروند کیجریوال کی سازشی گرفتاری کے خلاف ملک کے لوگوں سے حمایت اور آشیرواد حاصل کریں گی۔
آتشی نے کہا کہ سنیتا کیجریوال دہلی، پنجاب، گجرات اور ہریانہ کے لوگوں سے اروند کیجریوال کے لیے دعا مانگیں گی، انہوں نے کہا کہ سنیتا کیجریوال 27 اپریل کو مشرقی دہلی میں روڈ شو کریں گی۔ 28 اپریل کو مغربی دہلی لوک سبھا حلقہ میں روڈ شو کرنے کا منصوبہ ہے۔ انہوں نے یہ بھی کہا کہ "دہلی کے لوگ عام آدمی پارٹی کے ساتھ ہیں"۔
آپ کو بتاتے چلیں کہ سنیتا کیجریوال اب تک عاپ-کانگریس اتحاد کی تمام ریلیوں کا حصہ رہی ہیں۔ وہ رام لیلا میدان کے اسٹیج پر نظر بھی آئیں، وہ رانچی میں AAP-کانگریس اتحاد کی ریلی کا بھی حصہ بنی تھیں۔
ساتھ ہی یہ اطلاع بھی مل رہی ہے کہ دہلی خواتین کمیشن کی سابق چیئرپرسن سواتی مالیوال بھی مشرقی دہلی میں عام آدمی پارٹی کی حمایت میں ووٹ مانگیں گی۔
یہ بھی پڑھیں:
