حیدرآباد : وزیر اعظم نریندر مودی کے چیف جسٹس آف انڈیا (سی جے آئی) ڈی وائی چندرچوڑ کی رہائش گاہ پر گنپتی پوجا کی تقریبات میں شرکت کے بعد ایک تنازعہ کھڑا ہو گیا، شیو سینا (یو بی ٹی) نے کہاکہ اس سے لوگوں کے ذہنوں میں عدالتی غیر جانبداری کے بارے میں شکوک پیدا ہو سکتے ہیں۔ اپوزیشن پر جوابی حملہ کرتے ہوئے، بی جے پی نے کہا کہ پی ایم مودی کا دورہ گنپتی پوجا کی تقریبات تک محدود تھا اور یہ ہماری ثقافت کا حصہ ہے۔
संविधान के घर को आग लगी
— Sanjay Raut (@rautsanjay61) September 11, 2024
घरके चिरागसे….
१) EVM को क्लीन चीट
२) महाराष्ट्र में चलरही संविधान विरोधी सरकार के सुनवाई पर ३ सालसे तारीख पे तारीख
३) प. बंगाल बलात्कर मामले मे suemoto हस्तक्षेप लेकीन
महाराष्ट्र रेप कांड का जिकर नहीं.
४) दिल्ली मुख्यमंत्री केजरीवाल के
bail पर तारीख पे… https://t.co/jzVpQqDQh3
تنازعہ اس وقت شروع ہوا جب شیوسینا کے رکن پارلیمنٹ سنجے راوت نے مودی کے چندرچوڑ کی رہائش گاہ پر جانے کو لیکر بیان دیا کہ ’آئین کے محافظ سے سیاست دانوں کی ملاقات سے لوگوں کے ذہنوں میں شکوک و شبہات پیدا ہوتے ہیں۔ انہوں نے چیف جسٹس آف انڈیا ڈی وائی چندرچوڑ کو بھی مشورہ دیا کہ وہ خود کو اس معاملے سے الگ کرلیں۔
انہوں نے کہا کہ ہمارے ایک معاملہ پر چیف جسٹس آف انڈیا کے سامنے سماعت جاری ہے، اس لیے ہمیں شک ہے کہ کیا ہمیں انصاف ملے گا کیوں کہ وزیر اعظم اس کیس میں دوسرے فریق ہیں، چیف جسٹس کو اس معاملہ سے خود کو الگ کرلینا چاہئے۔ انہوں نے چندر چوڑ سے سوال کیا کہ ’ایسے میں کیا آپ ہمیں انصاف فراہم کر پائیں گے‘؟
ایکس پر راجیہ سبھا کے رکن نے مودی۔چندرچوڑ ملاقات کی طرف اشارہ کرتے ہوئے کہا کہ ’سپریم کورٹ نے اپوزیشن کے لیے سازگار فیصلہ نہیں دیا۔ راؤت نے کولکاتا عصمت دری-قتل کیس میں سپریم کورٹ کے ازخود نوٹس لینے اور دہلی کے وزیر اعلی اروند کیجریوال کی ضمانت سے متعلق سماعت کا ذکر کیا۔ راوت نے ٹویٹ کیا، ایسے تمام معاملات کو سمجھنے کے لیے تاریخ کو سمجھنا چاہیے۔ اس معاملہ پر شیو سینا (یو بی ٹی) ایم پی پرینکا چترویدی نے بھی ٹوئٹ کرکے سخت تبصرہ کیا۔
واضح رہے کہ ادھو ٹھاکرے کیمپ نے مہاراشٹرا کے اسپیکر کی جانب سے ایکناتھ شندے کی قیادت والے گروپ کو حقیقی شیو سینا کے طور پر تسلیم کرنے کے فیصلے کو سپریم کورٹ میں چیلنج کیا تھا۔
یہ بھی پڑھیں: کولکاتا عصمت ریزی اور قتل معاملے میں سپریم کورٹ نے ممتا حکومت سے پوچھے سخت سوال - SC Kolkata rape and murder case
اپوزیشن کے الزامات کا جواب دیتے ہوئے شیوسینا کے رکن پارلیمنٹ ملند دیورا نے کہا کہ اعلیٰ ترین عدالت پر اس طرح کے ’’بے بنیاد الزامات‘‘ عائد کرنا ’’خطرناک نظیر‘‘ ہے۔ "اپوزیشن کی طرف سے CJI کی ساکھ کو نقصان پہنچانے کی یہ کوشش نہ صرف غیر ذمہ دارانہ ہے بلکہ ادارے کی سالمیت کو بھی نقصان پہنچا رہی ہے"۔ اپوزیشن کے ریمارکس کو دیورا نے "بدقسمتی" قرار دیا۔
