چنڈی گڑھ: کانگریس نے ہریانہ اسمبلی انتخابات کے لیے امیدواروں کی تیسری لسٹ جاری کر دی ہے۔ تیسری فہرست میں پارٹی نے 9 اسمبلی سیٹوں کے لیے امیدواروں کے ناموں کا اعلان کیا۔ پارٹی نے اوچنا سے برجیندر سنگھ کو اپنا امیدوار بنایا ہے۔ اوچنا سے ان کا مقابلہ سابق ڈپٹی سی ایم اور جے جے پی ایم ایل اے دشینت چوٹالہ سے ہوگا۔ کانگریس نے توشام اسمبلی سیٹ سے انیرودھ چودھری کو ٹکٹ دیا ہے۔ جن کا مقابلہ بی جے پی کی امیدوار شروتی چودھری سے ہوگا۔
کانگریس نے تھانیسر اسمبلی سیٹ کے لیے سابق وزیر اشوک اروڑہ کو ٹکٹ دیا ہے۔ اس کے علاوہ گنور اسمبلی سیٹ سے سابق اسپیکر کلدیپ شرما، اوچانا اسمبلی سیٹ سے سابق ایم پی برجیندر سنگھ، ٹوہانہ اسمبلی سیٹ سے پرم ویر سنگھ، توشام اسمبلی سیٹ سے انیردھ چودھری، ماہم سے بلرام ڈانگی، ننگل سے منجو چودھری، بادشاہ پور سے ورون یادو شامل ہیں۔ اور گروگرام سے موہت گروور کو انتخابی میدان میں اتارا گیا ہے۔
اب تک 41 امیدواروں کا اعلان
اس سے قبل کانگریس نے 31 امیدواروں کی پہلی فہرست جاری کی تھی۔ اس کے فوراً بعد دوسری فہرست جاری کرتے ہوئے ایک اور امیدوار کا اعلان کیا گیا۔ مجموعی طور پر اب تک کانگریس نے 90 میں سے 41 اسمبلی سیٹوں کے لیے امیدواروں کا اعلان کیا ہے۔ توقع تھی کہ کانگریس تقریباً 30 امیدواروں کی تیسری فہرست جاری کر سکتی ہے لیکن تیسری فہرست میں کانگریس نے صرف 9 امیدواروں کے ناموں کا اعلان کیا۔
یہ بھی پڑھیں:
ہریانہ اسمبلی انتخابات: کانگریس کے ٹکٹ پر جولانہ سیٹ سے لڑیں گی ونیش پھوگاٹ
