لکھنؤ: ہریانہ کے چرخی دادری ضلع میں موب لنچنگ کے واقعے میں ایک غیر مقامی مزدور کو پیٹ پیٹ کر ہلاک کر دیا گیا جب کہ ایک دوسرا مزدور شدید زخمی ہے۔ پولیس نے اس معاملے میں کئی ملزمین کو گرفتار کیا ہے۔ مقتول مزدور مغربی بنگال کا رہنے والا تھا۔ واقعہ 27 اگست کا ہے۔ بی ایس پی سربراہ مایاوتی نے بھی اس واقعہ پر شدید ناراضگی ظاہر کی۔ انہوں نے اپنے سوشل میڈیا اکاؤنٹ ایکس پر بھی پوسٹ کیا ہے۔ انہوں نے وہاں کے امن و امان کی صورت حال پر سوال اٹھائے ہیں۔
چرخی دادری میں گئو رکشکوں کے ایک گروپ نے مغربی بنگال سے تعلق رکھنے والے دو مزدوروں کی محض اس بنا پر وحشیانہ طریقے سے پٹائی کر دی کہ ان پر گائے کا گوشت کھانے کا شک تھا۔ اس بربریت کی وجہ سے صابر ملک نام کا ایک مزدور جاں بحق ہوگیا جب کہ دوسرے کی حالت تشویشناک ہے۔ اس واقعے پر بی ایس پی سپریمو مایاوتی کا سخت ردعمل سامنے آیا ہے۔
भीड़ हत्या/माब लिंचिंग का रोग खत्म होने का नाम ही नहीं ले रहा है। ताजा घटनाक्रम में हरियाणा के चरखी दादरी में गोमांस खाने के शक में एक गरीब युवक की पीट-पीट कर नृशंस हत्या मानवता को शर्मसार व कानून के राज की पोल खोलती है, यह अति-दुखद व निन्दनीय। सख्त कार्रवाई जरूरी।
— Mayawati (@Mayawati) September 1, 2024
بہوجن سماج پارٹی کی سربراہ مایاوتی نے چرخی-دادری واقعہ کے حوالے سے اتوار کو ایکس پر لکھا کہ 'ہجومی تشدد/موب لنچنگ کی بیماری ختم ہونے کا نام ہی نہیں لے رہی ہے۔ تازہ ترین واقعہ میں ہریانہ کے چرکھی دادری میں گائے کا گوشت کھانے کے شبہ میں ایک غریب نوجوان کو پیٹ پیٹ کر قتل کرنے کا واقعہ سامنے آیا ہے جو انسانیت کو شرمسار کرنے والا اور قانون کی حکمرانی کو بے نقاب کرنے والا ہے۔ یہ انتہائی افسوسناک اور قابل مذمت ہے۔ سخت کارروائی کی ضرورت ہے۔'
