نئی دہلی: دہلی کی راؤس ایونیو کورٹ نے دہلی شراب گھوٹالہ سے متعلق سی بی آئی معاملے میں بی آر ایس لیڈر کے کویتا کی عدالتی حراست میں 22 جولائی تک توسیع کر دی گئی ہے۔ خصوصی جج کاویری باویجا نے جمعرات کو یہ حکم دیا۔ عدالت نے کی کویتا کو ان کی صحت کی جانچ کے لیے ایمس اسپتال ریفر کیا گیا ہے۔ اس کے علاوہ ہسپتال سے ان کی میڈیکل رپورٹ بھی طلب کر لی گئی ہے۔
دراصل 16 جولائی کو تہاڑ جیل میں ان کی طبیعت بگڑ گئی تھی جس کے بعد انہیں دہلی کے دین دیال اپادھیائے اسپتال میں داخل کرایا گیا تھا۔ علاج کے بعد اسے واپس جیل بھیج دیا گیا۔ سی بی آئی کیس میں ان کی عدالتی حراست جمعرات کو ختم ہو رہی تھی۔ کی کویتا کو اس معاملے میں سی بی آئی نے 11 اپریل کو گرفتار کیا تھا۔
اس سے قبل 7 جون کو کے کویتا کے خلاف چارج شیٹ داخل کی گئی۔ عدالت نے ای ڈی کی جانب سے کے کویتا کے خلاف داخل چارج شیٹ پر 29 مئی کو نوٹس لیا گیا تھا۔ اس معاملے میں اب تک 18 لوگوں کو گرفتار کیا گیا ہے۔ گرفتار ہونے والوں میں دہلی کے وزیر اعلی اروند کیجریوال، سابق نائب وزیر اعلی منیش سیسوڈیا، اے اے پی ایم پی سنجے سنگھ، بی آر ایس لیڈر کے کویتا شامل ہیں۔ تاہم سپریم کورٹ نے سنجے سنگھ کو باقاعدہ ضمانت دے دی ہے۔ آپ کو بتا دیں کہ دہلی ہائی کورٹ سے گرفتاری سے تحفظ نہ ملنے پر 21 مارچ کو ای ڈی نے دیر شام اروند کیجریوال کو گرفتار کر لیا تھا۔
