نئی دہلی: ذرائع کے مطابق بنگلورو میں کیفے میں ہوئے دھماکے کی تحقیقات نیشنل قومی جانچ ایجنسی (این آئی اے) کو سونپ دی گئی ہے۔یکم مارچ کو مشرقی بنگلورو کے بروک فیلڈ میں واقع رامیشورم کیفے میں ایک دھماکے میں کم از کم نو افراد زخمی ہوئے تھے۔ ذرائع کے مطابق دھماکے کی تحقیقات این آئی اے کو سونپ دی گئی ہے۔ ذرائع نے بتایا کہ کیپ، ماسک اور چشمہ پہنے ایک شخص اس معاملے کا کلیدی ملزم ہے اور ابھی تک اس کا پتہ نہیں چل سکا ہے۔
پولیس کے مطابق رامیشورم کیفے دھماکہ کیس کے ملزم کی شناخت کر لی گئی ہے۔ پولیس کے مطابق سی سی ٹی وی فوٹیج میں جو شخص ایک بیگ لے کر آیا تھا جس کے چہرے پر ماسک لگا ہوا تھا، آنکھوں پر سیاہ چشمہ اور سر پر کیپ تھی، اس نے بیگ میں دھماکہ خیز مواد رکھا تھا۔ معلوم ہوا ہے کہ ملزم نے کیفے میں روا اڈلی کھائی تھی اور تھیلا چھوڑ کر چلا گیا تھا۔
فی الحال پولیس کی ٹیمیں اس شخص کی تلاش میں ہیں۔ جرم سے پہلے اور بعد میں ملزم وائٹ فیلڈ کے مرٹھ گاؤں میں گھومتا ہوا پایا گیا، اور پولیس نے صبح تین بجے تک تلاش کی۔
دیگر ریاستوں میں بھی اس کیس کے ملزمان کی تلاش شروع کر دی گئی ہے۔ پولیس کے اعلیٰ ذرائع نے اطلاع دی ہے کہ ٹیمیں پڑوسی ریاستوں کیرالہ اور تمل ناڈو میں بھی گئی ہیں۔ سی سی بی کی خصوصی ٹیموں کی جانب سے ملزمان کی تلاش جاری ہے اور کیفے کی سی سی ٹی وی فوٹیج میں مشتبہ شخص سے مشابہت رکھنے والے کچھ افراد کو حراست میں لے لیا گیا تھا اور ان سے پوچھ تاچھ کی گئی۔
یہ بھی پڑھیں:
