سونی پت (ہریانہ): دو دن پہلے کانگریس میں شامل ہونے والے پہلوان بجرنگ پونیا کو جان سے مارنے کی دھمکیاں ملی ہیں اور انہوں نے اس بارے میں پولیس میں شکایت درج کرائی ہے۔ بجرنگ پونیا کو ان کے فون نمبر پر جان سے مارنے کی دھمکیاں موصول ہونے کی اطلاع ہے۔ بجرنگ پونیا آل انڈیا کسان کانگریس کے ورکنگ چیئرمین بھی ہیں۔
#WATCH | Haryana: Sonipat SP Ravindra Singh says, " bajrang punia has given a complaint in bahalgarh police station that he has received a threat message from a foreign number. the legal action is underway. an unknown person has given a threat, investigation is underway..."… pic.twitter.com/ySdM9EB2Hl
— ANI (@ANI) September 8, 2024
غیر ملکی نمبر سے پونیا کے واٹس ایپ فون پر موصول ہونے والے پیغام میں بدمعاش نے کہا کہ "بجرنگ، کانگریس چھوڑ دو، ورنہ یہ تمہارے اور تمہارے خاندان کے لیے اچھا نہیں ہوگا، یہ ہمارا آخری پیغام ہے، انتخابات سے پہلے ہم تمہیں دکھا دیں گے۔ آپ جہاں چاہیں شکایت کریں یہ ہماری پہلی اور آخری وارننگ ہے۔"
#WATCH | On Bajrang Punia's complaint on receiving a threat message from a foreign number, Haryana CM Nayab Singh Saini says, " it will be investigated if he received any threat message. action will be taken against the accused..." pic.twitter.com/At3tebJfhq
— ANI (@ANI) September 8, 2024
اس کے بعد بجرنگ پونیا نے بہل گڑھ پولیس اسٹیشن میں اپنی شکایت درج کرائی ہے۔ پولیس ترجمان رویندر کمار نے کہا کہ بجرنگ پونیا کو جان سے مارنے کی دھمکی ملی ہے اور سونی پت پولیس اس معاملے کی سنجیدگی سے تحقیقات کر رہی ہے۔
دو دن پہلے اسٹار پہلوان بجرنگ پونیا اور ونیش پھوگاٹ جمعہ 6 ستمبر 2024 کو کانگریس پارٹی میں شامل ہوئے تھے۔ جس کے بعد کانگریس نے ونیش پھوگاٹ کو اسمبلی انتخابات میں ہریانہ کے جند ضلع کی جولانہ اسمبلی سیٹ سے امیدوار بنایا ہے۔ جبکہے بجرنگ پونیا کو آل انڈیا کسان کانگریس کا ورکنگ چیئرمین بنانے کا اعلان کیا گیا ہے۔
کانگریس میں شامل ہونے کے بعد بجرنگ پونیا نے کہا تھا کہ ونیش کو بڑی تعداد میں ووٹوں سے منتخب کروانا ہم سب کی ذمہ داری ہے۔ انہوں نے کہا کہ میں اب کسانوں کے درمیان اپنا وقت گزارنے کے لیے پرعزم ہوں۔
