دہرادون: جموں و کشمیر کے کٹھوعہ میں ہوئے عسکریت پسندانہ حملے میں اتراکھنڈ کے 5 فوجیوں نے ملک کے لیے اپنی جان کی قربانی دی ہے۔ ہلاک ہونے والے 5 فوجیوں میں سے 2 کا تعلق پوڑی، 2 کا ٹہری اور ایک کا رودرپریاگ ضلع سے ہے۔ فوجیوں کی ہلاکت سے اتراکھنڈ میں سوگ کا ماحول ہے۔
کٹھوعہ عسکریت پسندانہ حملے میں ہلاک اتراکھنڈ کے پانچ جوان:
1- ٹہری ضلع کے 26 سالہ جوان آدرش نیگی جو کیرتی نگر کے تھاٹی ڈگر کے رہنے والے تھے، بطور رائفل مین تعینات تھے۔ ان کے والد دلبیر سنگھ نیگی گاؤں میں ہی کھیتی کا کام کرتے ہیں۔آدرش نے گورنمنٹ انٹر کالج پپلی دھار سے 12ویں تک تعلیم حاصل کی۔ 2019 میں اس نے گڑھوال رائفلز میں شمولیت اختیار کی۔ اس دوران انہوں نے گڑھوال یونیورسٹی سے بی ایس سی سیکنڈ ایئر کی تعلیم حاصل کرتے ہوئے فوج میں شمولیت اختیار کی تھی۔
2- رودرپریاگ ضلع کے کنڈاکھل کے رہنے والے آنند سنگھ راوت کی عمر 41 سال تھی۔ وہ فوج میں نائب صوبیدار کے عہدے پر فائز تھے۔ آنند سنگھ راوت کا خاندان دہرادون میں رہتا ہے لیکن ان کی ماں اور بھائی گاؤں میں رہتے ہیں۔
3- پوڑی ضلع کے حوالدار کمل سنگھ حوالدار کمل سنگھ لانس ڈاؤن تحصیل کے پاپڑی گاؤں کے رہائشی تھے۔
4- پوڑی گڑھوال ضلع کے رائفل مین انوج نیگی ریکھانیکھل تعلقہ کے دوبریا گاؤں کے رہنے والے تھے۔
5- ٹہری گڑھوال ضلع کے نائک ونود سنگھ جکھنیدھر تعلقہ کے چونڈ جس پور گاؤں کے رہائشی تھے۔ لیکن ونود سنگھ کا خاندان دہرادون کے بھنیا والا میں رہائش پزیر ہے۔
واضح رہے کہ جموں و کشمیر کے کٹھوعہ میں پیر کو عسکریت پسندوں نے یہ حملہ اس وقت کیا جب فوج کی 22 گڑھوال رائفلز کی گاڑی علاقے میں گشت پر تھی۔ گاڑی میں دس فوجی سوار تھے۔ دہشت گردوں نے پہلے دستی بم پھینکا۔ اس کے بعد فوج کی گاڑی پر فائرنگ شروع کر دی۔ جس میں فوج کے 5 جوان ہلاک اور 5 زخمی ہوگئے۔
I am deeply anguished at the loss of five of our brave Indian Army Soldiers in a terrorist attack in Badnota, Kathua (J&K).
— Rajnath Singh (@rajnathsingh) July 9, 2024
My deepest condolences to the bereaved families, the Nation stands firm with them in this difficult time. The Counter Terrorist operations are underway,…
اس حملے کے بعد وزیر دفاع راج ناتھ سنگھ نے غم کا اظہار کرتے ہوئے کہا کہ مجھے جموں و کشمیر میں دہشت گردانہ حملے میں بھارتی فوج کے ہمارے پانچ بہادر جوانوں کی موت سے بہت دکھ ہوا ہے۔ سوگوار خاندانوں سے میری دلی تعزیت، قوم اس مشکل وقت میں ان کے ساتھ کھڑی ہے۔ انسداد دہشت گردی کی کارروائیاں جاری ہیں اور ہمارے فوجی علاقے میں امن و امان برقرار رکھنے کے لیے پرعزم ہیں۔ میں اس وحشیانہ دہشت گردانہ حملے میں زخمی ہونے والوں کی جلد صحت یابی کے لیے دعا گو ہوں۔
जम्मू कश्मीर के कठुआ में आतंकियों द्वारा किए गए कायराना हमले में जनपद टिहरी के श्री आदर्श नेगी जी के शहीद होने का समाचार अत्यंत दुःखद है।
— Pushkar Singh Dhami (@pushkardhami) July 9, 2024
माँ भारती की रक्षा करते हुए वीरगति को प्राप्त आदर्श नेगी जी का यह सर्वोच्च बलिदान सदैव अविस्मरणीय रहेगा।
ईश्वर से प्रार्थना है कि… pic.twitter.com/zSjG2HoRC3
اتراکھنڈ کے وزیراعلیٰ پشکر سنگھ دھامی نے بھی کٹھوعہ حملے میں ہلاک ہونے والے پانچ فوجیوں پر غم کا اظہار کیا ہے۔ انھوں نے کہا کہ کٹھوعہ میں فوجی قافلے پر دہشت گردانہ حملے میں پانچ فوجیوں کی شہادت کی خبر انتہائی تکلیف دہ ہے۔ میں اس بزدلانہ حملے کی مذمت کرتا ہوں اور پورے وثوق کے ساتھ کہہ سکتا ہوں کہ انسانیت کے ان دشمنوں کو بخشا نہیں جائے گا۔
