نئی دہلی: راجدھانی دہلی میں شدید بارش کے درمیان دہلی کے آئی جی آئی ایئرپورٹ کے T-1 ٹرمینل ون پر چھت کا ایک حصہ گر گیا ہے۔ دہلی فائر سروس کو چھت گرنے کے بارے میں کال موصول ہوئی جس کے بعد فائر بریگیڈ کی چار گاڑیاں موقع پر پہنچی۔ اس حادثہ میں ایک شخص ہلاک جبکہ پانچ افراد شدید زخمی ہوئے ہیں۔
#UPDATE | One person died after a portion of the canopy at Delhi Airport's Terminal 1 collapsed today: Delhi Fire Service https://t.co/CETWtY95jz
— ANI (@ANI) June 28, 2024
آپ کو بتاتے چلیں کہ دارالحکومت دہلی میں موسم کا انداز بدل گیا ہے اور تیز بارش ہو رہی ہے۔ معلومات کے مطابق آئی جی آئی ایئرپورٹ کے ٹرمینل 1 پر چھت گر گئی ہے۔ وہاں کھڑی کچھ گاڑیاں اس کی زد میں آکر دب گئی ہیں۔ دہلی فائر سروس کے ڈائریکٹر اتل گرگ نے یہ جانکاری دی۔
#WATCH | Roads flooded after heavy rain lashed parts of Delhi overnight.
— ANI (@ANI) June 28, 2024
(Visuals from ITO) pic.twitter.com/pjUsaCHWsh
دہلی فائر سروس کے مطابق فائر بریگیڈ کی 3 گاڑیاں موقع پر بھیجی گئیں۔ اس وقت چھت گرنے سے کئی گاڑیاں دب گئی ہیں۔ تصاویر میں دیکھا جا سکتا ہے کہ کئی گاڑیوں کی چھتیں مکمل طور پر تباہ ہو چکی ہیں۔ مزید کئی گاڑیوں کے دبے ہونے کا خدشہ ہے۔
All departing and arriving flights from Terminal 3 and Terminal 2 are fully operational. Flights at Terminal 1 Arrivals are also operating. However, the departing flights from Terminal 1 are cancelled till 2 pm today: Delhi International Airport Limited (DIAL) pic.twitter.com/e4BeOBTMVf
— ANI (@ANI) June 28, 2024
حادثے اور تیز بارش کی وجہ سے پروازیں بھی متاثر ہوئی ہیں۔
- حادثہ کب ہوا؟
جمعہ کی صبح ہونے والی تھی کہ بارش کے باعث آئی جی آئی ایئرپورٹ کے ٹی ون کی چھت کا کچھ حصہ اچانک منہدم ہو گیا۔ جس کی وجہ سے وہاں کھڑے کار ٹیکسی ڈرائیور اس کی زد میں آ گئے۔ واقعہ کی اطلاع پولیس ایمبولینس اور فائر ڈیپارٹمنٹ کو دی گئی۔ فائر ڈپارٹمنٹ سے موصولہ اطلاع کے مطابق صبح ساڑھے پانچ بجے کال موصول ہوئی، جس کے بعد تین فائر ٹینڈرز کو موقع پر بھیجا گیا۔ فی الحال زخمیوں کو فوری طور پر اسپتال میں داخل کرایا گیا ہے۔ دیگر محکموں کی ٹیمیں بھی موقع پر موجود ہیں۔ اس وقت مختلف ایجنسیاں موقع پر موجود ہیں اور لوگوں کو علاقے سے دور رکھا جا رہا ہے۔
یہ بھی پڑھیں:
