సౌదీ నుంచి వ్యక్తి రాక.. కుటుంబంతో సహా వైద్య పరీక్షలు

సూర్యాపేట జిల్లా నూతన్​కల్​లోని ఓ కుటుంబాన్ని కరోనా వైద్య పరీక్షల కోసం హైదరాబాద్​కు తరలించారు. రెండేళ్ల క్రితం సౌదీ వెళ్లిన ఓ వ్యక్తి ఇవాళ ఉదయం సొంతూరుకు చేరుకున్నాడు. ఇది తెలిసి అప్రమత్తమైన అధికారులు మొత్తం కుటుంబాన్ని హైదరాబాద్​కు పంపించారు.

సూర్యాపేట జిల్లా నూతన్​కల్​లో ఓ కుటుంబాన్ని వైద్య పరీక్షల నిమిత్తం హైదరాబాద్​కు తరలించారు. రెండేళ్ల క్రితం సౌదీ అరేబియాకు వెళ్లిన ఓ వ్యక్తి మార్చి 15న ముంబైకి విమానంలో చేరుకున్నాడు. అక్కడి నుంచి డొమెస్టిక్​ విమానంలో హైదరాబాద్​ వచ్చాడు. తర్వాత నల్గొండలోని తన బంధువుల దగ్గర సోమవారం నుంచి గురువారం వరకు గడిపి శుక్రవారం ఉదయం సొంతూరైన నూతన్​కల్​కు చేరుకున్నాడు.

ఈ వార్త అధికారుల దృష్టికి వెళ్లింది. వారు వెంటనే అప్రమత్తమై సదరు వ్యక్తి ఇంటికి చేరుకొని పరిశీలించారు. కుటుంబ సభ్యులతో సహా అతన్ని హైదరాబాద్​కు తరలించారు.

ఇదీ చూడండి: కరోనా నుంచి కోలుకొని గుండెపోటుతో వ్యక్తి మృతి