మధిరలో ఘనంగా చంద్రబాబు జన్మదిన వేడుకలు

ఖమ్మం జిల్లా మధిరలోని తెదేపా  కార్యాలయంలో చంద్రబాబు జన్మదిన వేడుకలను పార్టీ కార్యకర్తలు ఘనంగా నిర్వహించారు. కేంద్రంలో చంద్రబాబు మార్గదర్శకత్వంలో సంకీర్ణ ప్రభుత్వం ఏర్పడటం ఖాయమని ఖమ్మం జిల్లా తెదేపా కన్వీనర్​ రామనాథం ధీమా వ్యక్తం చేశారు.

తెలుగు ప్రజల సంక్షేమం చంద్రబాబు నాయకత్వంలోనే సాధ్యమవుతుందని ఖమ్మం జిల్లా తెదేపా కన్వీనర్ డాక్టర్ వాసిరెడ్డి రామనాథం పేర్కొన్నారు. తెదేపా జాతీయాధ్యక్షుడు నారా చంద్రబాబు నాయుడు జన్మదిన వేడుకలను మధిరలోని ఆ పార్టీ కార్యాలయంలో ఘనంగా నిర్వహించారు. చంద్రబాబు మార్గదర్శకత్వంలో దేశంలో సంకీర్ణ ప్రభుత్వం ఏర్పడటం ఖాయమని రామనాథం ధీమా వ్యక్తం చేశారు. ఎన్టీఆర్ ఆశయాల సాధనతో చంద్రబాబు నేతృత్వంలో తెదేపా శ్రేణులు ముందుకు సాగాలని కోరారు. తెలంగాణలో కేసీఆర్ ఇతర పార్టీల్లో గెలిచిన ఎమ్మెల్యేలను ప్రలోభాలకు గురిచేసి ఫిరాయింపులకు ప్రోత్సహిస్తూ ప్రజాస్వామ్యాన్ని అపహాస్యం చేస్తున్నారని ఆరోపించారు.